Luka 5:34 - BAIBLO ALOO NGMAMI KLƆUKLƆU Ɔ

³⁴ Yesu bi mɛ ke, “Ke nɔ ko kpee yo, nɛ e huɛmɛ ba e he nyami ɔ, anɛ nyɛ susuɔ kaa e maa ha mɛ hwɔ be mi nɛ e kɛ mɛ ngɛ ɔ lo? Dɛbi!

Somi He Ɔ

³⁴ Yesu de mɛ ke: “Anɛ nyɛ ma nyɛ ha yo kpeemi he biali ɔmɛ nɛ a ha hwɔ benɛ ayɛflo huno ɔ kɛ mɛ ngɛ lolo nɛ ɔ?

Luka 5:34 ပူးပေါင်းရင်းမြစ်များ

Lahi 5:8

Yerusalem yihi, nyɛ ka mi kita kaa ke nyɛ na ye suɔlɔ ɔ, nyɛ ma de lɛ ke e he suɔmi ngɛ mi gbee.

Lahi 6:1

Mo nɛ o he ngɛ fɛu pe yihi tsuo, jije o suɔlɔ ɔ ho? Tsɔɔ wɔ he nɛ o suɔlɔ ɔ gu, konɛ waa piɛ o he kɛ hla lɛ.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 62:5

Kaa bɔ nɛ niheyo kpeɔ yomiyo ayɛflo ɔ, ja nɔ nɛ bɔ mo ɔ maa ngɔ mo hulɔ. Bɔ nɛ ayɛflo huno nyaa ayɛflo he ɔ, ja o Mawu ɔ bua maa jɔ o he.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Mateo 22:2

“Hiɔwe matsɛ yemi ɔ ngɛ kaa kikɛ nɛ ɔ. Be ko ɔ, matsɛ ko ngmɛ okplɔɔ ha e binyumu nɛ kpee yo.

Mateo 9:15

Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.

Luka 5:33

Ni komɛ ba de Yesu ke, “Yohane kaseli ɔmɛ pɔɔ hwɔ hami kɛ sɔlemi, nɛ Farisi bi ɔmɛ a kaseli ɔmɛ hu peeɔ ja nɔuu; se moo lɛɛ o kaseli ɔmɛ yeɔ ní, nɛ a nuɔ ní.”

Luka 5:35

Se be ma, nɛ a maa ngɔ ayɛflo huno ɔ kɛ je a he kɛ ho; nɛ jamɛ a be ɔ loko a maa ha hwɔ!”

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.