Luka 5:32 - BAIBLO ALOO NGMAMI KLƆUKLƆU Ɔ

³² I bɛ dali tsɛmi; mohu ɔ, i ba nɛ ma ba tsɛ yayami peeli, konɛ a tsake a tsui.”

Somi He Ɔ

³² I bɛ dali a tsemi, se mohu yayami peeli kɛ ha tsui tsakemi.”

Luka 5:32 ပူးပေါင်းရင်းမြစ်များ

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Luka 15:10

I ngɛ nyɛ dee ke, jã nɔuu lɛ Mawu bɔfohi ma nya, ke yayami peelɔ kake tsake e tsui ɔ.”

Luka 15:7

I ngɛ nyɛ dee ke, jã nɔuu lɛ bua jɔmi maa ba hiɔwe, ke yayami peelɔ kake tsake e tsui, pe dali nyingmi nɛɛ kɛ nɛɛ kɛ se, nɛ mɛɛ tsui tsakemi he hia we mɛ.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Ni Tsumi 5:31

Mawu wo e nɔ, nɛ e ngɔ lɛ kɛ to e hiɔ nɔ, nɛ e pee lɛ hɛ mi nyɛɛlɔ, kɛ kpɔlɔ, konɛ Israel bi nɛ a ná he blɔ nɛ a tsake a tsui, nɛ a ngɔ a he yayami ɔmɛ kɛ pa mɛ.

Marko 15:10

E le faii kaa ninyɛ he je nɛ osɔfo nikɔtɔma amɛ nu Yesu kɛ ba ha lɛ ɔ nɛ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Marko 15:7

Jamɛ a be ɔ mi ɔ, nyumu ko nɛ a tsɛɛ lɛ Baraba ya piɛ ni komɛ a he kɛ tsɔ atuã, nɛ a gbe nɔ. Enɛ ɔ ha nɛ a wo mɛ tsu.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Marko 2:17

Yesu nu, nɛ e ha mɛ heto ke, “Nihi nɛ ngɛ he wami ɔ, tsopatsɛ he hia we mɛ, se ni nɛmɛ nɛ ngɛ hiɔ nue ɔ mohu. I bɛ nɛ ma ba tsɛ nihi nɛ da, se mohu ni nɛmɛ nɛ peeɔ yayami a he i ba.”

Luka 5:31

Yesu de mɛ ke, “Nihi nɛ ngɛ he wami ɔ, e hia we mɛ tsopatsɛ; nihi nɛ be he wami ɔ, mɛ mohu lɛ tsopatsɛ hia.

Luka 5:33

Ni komɛ ba de Yesu ke, “Yohane kaseli ɔmɛ pɔɔ hwɔ hami kɛ sɔlemi, nɛ Farisi bi ɔmɛ a kaseli ɔmɛ hu peeɔ ja nɔuu; se moo lɛɛ o kaseli ɔmɛ yeɔ ní, nɛ a nuɔ ní.”