Luka 5:29 - BAIBLO ALOO NGMAMI KLƆUKLƆU Ɔ

²⁹ Levi ngmɛ okplɔɔ nguaa ngɛ e we ɔ mi kɛ wo Yesu hɛ mi nyami, nɛ tó tsuli, kɛ ni kpahi fuu kɛ mɛ ba ye ní.

Somi He Ɔ

²⁹ Levi ngmɛ okplɔɔ ngua ngɛ e we ɔ mi ha Yesu, nɛ onia tsuli kɛ ni kpahi fuu kɛ mɛ ba ye ni.

Luka 5:29 ပူးပေါင်းရင်းမြစ်များ

Mateo 11:19

Benɛ Nɔmlɔ Bi ɔ ba a, lɛɛ e yeɔ ní, nɛ e nuɔ wai. Nɛ nɔ́ nɛ nihi deɔ ji, ‘Hyɛ, jiklɔɔtsɛ, kɛ dã nulɔ; tó tsuli, kɛ yayami peeli a huɛ ɔ ji nɛ ɔ nɛ!’ Mawu nile ɔ lɛɛ níhi nɛ e tsuɔ ɔ, lɔ ɔmɛ a kɛ woɔ lɛ nguɔ.”

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Mateo 9:10

Benɛ Yesu ngɛ ní yee ngɛ Mateo we ɔ mi ɔ, tó tsuli babauu, kɛ ni kpa komɛ nɛ a buu mɛ yayami peeli ɔ ba ba piɛ Yesu, kɛ e kaseli ɔmɛ a he kɛ ye ní ɔ.

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Marko 2:15

Pee se ɔ, Yesu kɛ e kaseli ɔmɛ ya ye ní ngɛ Levi we ɔ mi. Tó tsuli, kɛ nihi babauu nɛ a buu mɛ yayami peeli nɛ nyɛɛ Yesu se hu piɛ e kɛ kaseli ɔmɛ a he kɛ ye ní ɔ.

Luka 15:1

Ligbi ko benɛ tó tsuli, kɛ yayami peeli babauu ba Yesu ngɔ nɛ a ba bu lɛ tue ɔ,

Yohane 12:2

A pee niye ní ha Yesu, nɛ Marta sɔmɔ lɛ. Lazaro piɛ nihi nɛ a kɛ Yesu ye ní ɔ a he.

1 Korintobi 10:27

Ke nihi nɛ he we yi ɔ a ti nɔ ko tsɛ nyɛ ní yemi, nɛ nyɛ ya a, nɔ́ tsuaa nɔ́ nɛ a kɛ maa ma nyɛ hɛ mi ɔ, nyɛɛ ye nɛ nyɛ he nile ko hao nyɛ kulaa.