Luka 5:26 - BAIBLO ALOO NGMAMI KLƆUKLƆU Ɔ

²⁶ Mɛ tsuo a he mi po, nɛ a ye gbeye, nɛ a je Mawu yi, nɛ a de ke, “Wa na nyakpɛ ní mwɔnɛ ɔ!”

Somi He Ɔ

²⁶ Nɛ mɛ tsuo a nya kpɛ a he, nɛ a wo Mawu hɛ mi nyami nɛ a ye gbeye wawɛɛ nɛ a ke: “Wa na nyakpɛ ni mwɔnɛ ɔ.”

Luka 5:26 ပူးပေါင်းရင်းမြစ်များ

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Mateo 12:23

Nimli kpekpemi ɔ a nya kpɛ a he, nɛ a bi ke, “David Bi ɔ ji nɛ ɔ?”

Mateo 28:8

Lɔ ɔ he ɔ, a je yɔkɔ ɔ he esɔesɔ kɛ gbeye, kɛ bua jɔmi babauu; nɛ a tu fo kɛ ho, konɛ a ya sɛɛ ha Yesu kaseli ɔmɛ.

Mateo 9:8

Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Marko 2:12

Ngɛ mɛ tsuo a hɛ mi ɔ, nyumu ɔ te si nɔuu; e ngɔ e sa a, nɛ e je kpo. Mɛ tsuo a nya kpɛ a he, nɛ a je Mawu yi ke, “Wa nɛ enɛ ɔ eko hyɛ!”

Luka 1:65

Gbeye nu e paka bi ɔmɛ tsuo, nɛ sane nɛ ba nɛ ɔ gbɛ fĩa Yudea yoku zugba a tsuo.

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Luka 8:37

Kɛkɛ nɛ ni ɔmɛ tsuo nɛ je jamɛ a zugba a nɔ ɔ, ba kpa Yesu pɛɛ ke e je a ngɔ nɛ e ho, ejakaa a ye gbeye wawɛɛ. Nɛ e ya sɛ lɛ ɔ mi, nɛ e kpale e se.

Ni Tsumi 4:21

Kɛkɛ nɛ kpe ɔ bɔ mɛ kɔkɔ wawɛɛ pe kekle ɔ po, nɛ a ngmɛɛ a he. A nɛ́ bɔ nɛ a maa pee nɛ a maa gbla a tue; ejakaa ni ɔmɛ tsuo ngɛ Mawu hɛ mi nyami woe ngɛ nɔ́ nɛ a pee ɔ he.

Galatabi 1:24

Nɛ ye he ɔ, a wo Mawu hɛ mi nyami.