Luka 5:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, ma tsɔɔ nyɛ kaa Nɔmlɔ Bi ɔ ngɛ he blɔ ngɛ je ɔ mi kaa e ngɔɔ yayamihi kɛ paa.” Kɛkɛ nɛ e de nyumu ɔ nɛ hule ɔ ke, “I ngɛ mo dee ke tee si! Ngɔɔ o sa a, nɛ o ho we mi ya!”

Somi He Ɔ

²⁴ Se benɛ pee nɛ nyɛɛ le kaa Nɔmlɔ Bi ɔ ngɛ he blɔ ngɛ zugba a nɔ kaa e ngɔɔ yayamihi ngɔ paa a,” e de nɔ nɛ hule ɔ ke: “I ngɛ mo dee ke: ‘Tee si nɛ o wo o sa a nɛ o ya o we mi.’ ”

Luka 5:24 ပူးပေါင်းရင်းမြစ်များ

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Mateo 16:13

Benɛ Yesu ba Kaisarea Filipi kpokpa a nɔ ɔ, e bi e kaseli ɔmɛ ke, “Mɛnɔ nihi deɔ ke Nɔmlɔ Bi ɔ ji?”

Mateo 25:31

“Ligbi ɔ nɛ Nɔmlɔ Bi ɔ maa ba kaa matsɛ, nɛ bɔfo ɔmɛ tsuo maa piɛ e he kɛ ba a, jamɛ a be ɔ mi ɔ, e maa hi e matsɛ sɛ saminyayoo ɔ nɔ,

Mateo 26:64

Yesu de lɛ ke, “Ja o de ɔ nɛ! Se i ngɛ nyɛ dee ke, kɛ je be nɛ ɔ kɛ yaa a, nyɛ maa na Nɔmlɔ Bi ɔ nɛ hii si ngɛ Ope ɔ hiɔ nɔ, nɛ e ma ngɛ hiɔwe bɔku ɔmɛ a mi!”

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Mateo 9:6

Jehanɛ lɛɛ ma tsɔɔ nyɛ kaa Nɔmlɔ Bi ɔ ngɛ he blɔ kaa e ngɔɔ nihi a he yayamihi kɛ paa mɛ.” Kɛkɛ nɛ e de hiɔtsɛ ɔ ke, “Tee si, ngɔɔ o sa a, nɛ o ho we mi ya!”

Luka 5:13

Yesu kpa e nine mi, nɛ e ta nyumu ɔ he, nɛ e de lɛ ke, “Ee, i suɔ! A tsa mo!” Nɛ amlɔ ɔ, hiɔ ɔ ta.

Luka 5:18

Ni komɛ hɛɛ nyumu ko nɛ hule ngɛ sa mi kɛ ba, nɛ a ka kaa a kɛ lɛ maa sɛ we ɔ mi, nɛ́ a ngɔ lɛ ya fɔ Yesu hɛ mi.

Luka 5:23

Ke a de ke, ‘A ngɔ o he yayami ɔmɛ ngɔ pa mo’ ɔ, tse lɔ ɔ demi wa pe kaa a ma de ke, ‘Tee si nɛ o nyɛɛ lo?’

Luka 7:14

Kɛkɛ nɛ e ho nɛ e ya pɛtɛ daka a he, nɛ nihi nɛ hɛɛ daka a da si. Jehanɛ ɔ, Yesu de ke, “Niheyo, i ngɛ mo dee ke, tee si!”

Luka 8:54

Se Yesu nu e nine si, nɛ e kpa ngmlaa ke, “Jokuɛ yo, tee si!”

Yohane 11:43

Benɛ e de enɛ ɔ se ɔ, e tsɛ lɛ kɛ gbi wawɛɛ ke, “Lazaro lee-ee, jee kpo!”

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 5:27

Tsɛ ɔ ha Bi ɔ he blɔ kaa e kojo nihi, ejakaa lɛ ji Nɔmlɔ Bi ɔ nɛ.

Ni Tsumi 14:10

Kɛkɛ nɛ Paulo kpa ngmlaa de lɛ ke, “Tee si nɛ o da o nane nɔ tlɔmɔɔ!” Amlɔ nɔuu ɔ, libɔɔ ɔ hlu ma si glɛ, nɛ e bɔni nyɛɛmi kɛ ngɛ si bɔlee ngɛ lejɛ ɔ.

Ni Tsumi 5:31

Mawu wo e nɔ, nɛ e ngɔ lɛ kɛ to e hiɔ nɔ, nɛ e pee lɛ hɛ mi nyɛɛlɔ, kɛ kpɔlɔ, konɛ Israel bi nɛ a ná he blɔ nɛ a tsake a tsui, nɛ a ngɔ a he yayami ɔmɛ kɛ pa mɛ.

Ni Tsumi 9:34

Kɛkɛ nɛ Petro de lɛ ke, “Aenea, Yesu Kristo tsa mo; tee si nɛ o hluɛ o sa a!” Aenea te si amlɔ.

Ni Tsumi 9:40

Se Petro je mɛ kpo. Kɛkɛ nɛ e kpla si nɛ e sɔle; nɛ e plɛ e hɛ mi ngɔ kpee gbogboe ɔ, nɛ e de ke, “Tabita, tee si!” Tabita bli e hɛngmɛ; nɛ benɛ e na Petro ɔ, e wo e he nɔ, nɛ e hi si.

Kpojemi 1:13

nɛ nɔ ko kaa Nɔmlɔ Bi ɔ ngɛ a kpɛti. E wo tade klɔii, nɛ e ngɔ kpa nɛ a kɛ sika tsu pee kɛ fi e gugue.