Luka 5:19 - BAIBLO ALOO NGMAMI KLƆUKLƆU Ɔ

¹⁹ Se nimli kpekpemi ɔ a he je ɔ, a nɛ blɔ nɛ a kɛ lɛ nɛ ya lejɛ ɔ. Lɔ ɔ he ɔ, a kuɔ kɛ ya tsu ɔ yi mi, nɛ a ya kpɔ zu longo ɔ eko, nɛ a siu hiɔtsɛ ɔ, kɛ e sa a kɛ gu puɔ ɔ mi kɛ ya fɔ ni ɔmɛ a kpɛti, ngɛ Yesu hɛ mi.

Somi He Ɔ

¹⁹ Nɛ benɛ a nɛ́ bɔ nɛ a maa pee nɛ a kɛ lɛ maa ba ngɛ asafo ɔ he ɔ, a kuɔ kɛ ya tsu ɔ yi mi, nɛ a kpɔ siaudo ɔ nɔ zu ɔ, nɛ a siu lɛ kɛ e sa a kɛ gu mi kɛ ya fɔ̃ ni ɔma a kpɛti ngɛ Yesu hɛ mi.

Luka 5:19 ပူးပေါင်းရင်းမြစ်များ

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Mateo 24:17

Nɔ nɛ ngɛ tsu yi mi ɔ, e ko kple si ya ngɔ e níhi ngɛ we ɔ mi.

Marko 2:4

Akɛnɛ ni ɔmɛ hiɛ tsɔ ngɛ lejɛ ɔ, a nɛ́ blɔ nɛ a kɛ su Yesu ngɔ. Lɔ ɔ he ɔ, a ya hia tsu ɔ nɛ Yesu ngɛ mi ɔ yi mi, ngɛ he nɛ e ngɛ ɔ tutuutu. A siu hiɔtsɛ ɔ kɛ sa a nɛ e hwɔɔ si ngɛ nɔ ɔ tsuo kɛ gu puɔ nɛ a gbu ɔ mi.

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.

Samuel I, 9:25

Benɛ a kple si kɛ je jami he ɔ kɛ ba ma a mi ɔ, a pee sa ha Saul ngɛ tsu ɔ yi mi,