Luka 5:14 - BAIBLO ALOO NGMAMI KLƆUKLƆU Ɔ

¹⁴ Yesu fa lɛ ke, “Ko de nɔ ko nɔ ko oo! Yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo! Lɔ ɔ se ɔ, yaa, nɛ o ya sã bɔ kaa bɔ nɛ Mose wo mlaa a, nɛ e pee okadi ha nihi tsuo kaa o he tsɔ niinɛ.”

Somi He Ɔ

¹⁴ Nɛ Yesu bɔ lɛ kɔkɔ ke: “Ko de nɔ ko, se mohu yaa nɛ o kɛ o he ya tsɔɔ osɔfo ɔ nɛ o sa bɔ ngɛ o he tsɔmi ɔ he kaa bɔ nɛ Mose wo kita a, konɛ e pee odase ngɔ ha ni ɔmɛ.’

Luka 5:14 ပူးပေါင်းရင်းမြစ်များ

Mose III, 13:2

Ke nɔfu nɔ́ ko, aloo pa, loo loholoho ba nɔ ko he, nɛ́ ma nyɛ maa pee he womi nɔ hiɔ yaya a, a ngɔ hiɔtsɛ ɔ kɛ ba osɔfo ɔ, nɛ ji Aaron nina a ngɔ.

Mose III, 13:49

ke nɔ́ fu ja a tsuɔ, loo e hɛɛ ba mumu su ɔ, e maa pee kaa nɔ́ yaya lɛ ngɛ ja fue ngɛ he hami nɔ́ ɔ mi ɔ nɛ; a ngɔ kɛ ya tsɔɔ osɔfo ɔ.

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Mateo 12:16

nɛ e bɔ mɛ kɔkɔ ke a ko tu e he munyu nɛ nihi ba nu e he.

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Mateo 9:30

Nɛ a hɛngmɛ ɔmɛ bli. Jehanɛ, Yesu bɔ mɛ kɔkɔ ke, “Nyɛɛ hyɛ nɛ nɔ ko nɔ ko ko nu he oo!”

Marko 1:44

E de lɛ ke, “Hyɛ, ko de nɔ ko nɔ́ ko, se mohu yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, yaa nɛ o ya sã bɔ kaa bɔ nɛ Mose wo mlaa a, konɛ e pee okadi ha nɔ tsuaa nɔ kaa jehanɛ lɛɛ o he tsɔ.”

Marko 6:11

Ke nyɛ ya su ma ko mi, nɛ a he we nyɛ ɔ, nyɛ blɛ nyɛ nane si zu kɛ pue si nɛ nyɛɛ je! Nɔ́ nɛ ɔ maa to mɛ okadi!”

Luka 17:14

Yesu na mɛ, nɛ e de mɛ ke, “Nyɛɛ ya nɛ nyɛɛ ngɔ nyɛ he ya tsɔɔ osɔfo ɔmɛ.” Benɛ a yaa ngɛ blɔ ɔ nɔ ɔ, a he womi nɔ tsɔ.

Luka 5:13

Yesu kpa e nine mi, nɛ e ta nyumu ɔ he, nɛ e de lɛ ke, “Ee, i suɔ! A tsa mo!” Nɛ amlɔ ɔ, hiɔ ɔ ta.

Luka 9:5

Ke nyɛ ya he ko nɛ a he we nyɛ atuu ɔ, loko nyɛ maa je ma a mi ɔ, nyɛ blɛ nyɛ nane sisi zu kɛ pue si kɛ to mɛ okadi kaa a maa gbla a tue.”