Luka 5:13 - BAIBLO ALOO NGMAMI KLƆUKLƆU Ɔ

¹³ Yesu kpa e nine mi, nɛ e ta nyumu ɔ he, nɛ e de lɛ ke, “Ee, i suɔ! A tsa mo!” Nɛ amlɔ ɔ, hiɔ ɔ ta.

Somi He Ɔ

¹³ Yesu kpa e nine mi nɛ e ta e he nɛ e ke: “I suɔ, o he nɛ tsɔ!” Nɛ amlɔ ɔ tsi ɔ ta ngɛ e he.

Luka 5:13 ပူးပေါင်းရင်းမြစ်များ

Mose I, 1:3

Kɛkɛ nɛ Mawu fa ke, “La nɛ ba”; nɛ la ba.

Mose I, 1:9

Enɛ ɔ se ɔ, Mawu fa ke, “Nyu ɔ nɛ ngɛ hiɔwe ɔ sisi ɔ nɛ bua e he nya ngɛ he kake, konɛ zugba gbigbli nɛ je kpo.” Nɛ e ba mi ja.

Matsɛmɛ II, 5:10

Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Ezekiel 36:29

Níhi tsuo nɛ bleɔ nyɛ ɔ, ma je nyɛ kɛ je a mi. Ma ha nɛ ngma maa ba ha nyɛ babauu, nɛ hwɔ be nyɛ yee hu.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Mateo 8:3

Yesu kpã e nine mi, nɛ e ta nɔ ɔ he, nɛ e de lɛ ke, “I suɔ; o he nɛ tsɔ!” Amlɔ nɔuu ɔ, hiɔ ɔ ta ngɛ e he.

Luka 4:39

Yesu hɛ lɛ kɛ su e he, nɛ e nga asla a yi. Asla a po ngɛ yo ɔ nɔ, nɛ amlɔ ɔ, e te si nɛ e bɔni ni ɔmɛ nɛ ngɛ lejɛ ɔ sɔmɔmi.

Luka 5:12

Be ko ɔ, Yesu ya je ma ko mi, nɛ nyumu ko nɛ he womi nɔ hiɔ yaya ngɛ e he hu ngɛ lejɛ ɔ. Benɛ e na Yesu ɔ, e kpla si, nɛ e kɛ e hɛ mi bu si, nɛ e kpa lɛ pɛɛ ke, “Nyɔmtsɛ, ke o suɔ ɔ, o ma nyɛ ha ye he nɛ tsɔ.”

Luka 5:14

Yesu fa lɛ ke, “Ko de nɔ ko nɔ ko oo! Yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo! Lɔ ɔ se ɔ, yaa, nɛ o ya sã bɔ kaa bɔ nɛ Mose wo mlaa a, nɛ e pee okadi ha nihi tsuo kaa o he tsɔ niinɛ.”