Luka 5:12 - BAIBLO ALOO NGMAMI KLƆUKLƆU Ɔ

¹² Be ko ɔ, Yesu ya je ma ko mi, nɛ nyumu ko nɛ he womi nɔ hiɔ yaya ngɛ e he hu ngɛ lejɛ ɔ. Benɛ e na Yesu ɔ, e kpla si, nɛ e kɛ e hɛ mi bu si, nɛ e kpa lɛ pɛɛ ke, “Nyɔmtsɛ, ke o suɔ ɔ, o ma nyɛ ha ye he nɛ tsɔ.”

Somi He Ɔ

¹² E ba mi kaa benɛ Yesu ngɛ ma a eko mi ɔ, nyumu ko nɛ tsi pue e he tsuo ngɛ lejɛ ɔ; benɛ e na Yesu ɔ, e kɛ e hɛ mi bu si nɛ e kpa lɛ pɛɛ ke: “Nyɔmtsɛ, ke o suɔ ɔ, o ma nyɛ kaa o haa ye he tsɔɔ.”

Luka 5:12 ပူးပေါင်းရင်းမြစ်များ

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

Matsɛmɛ II, 5:1

Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Matsɛmɛ II, 5:27

Lɔ ɔ he ɔ, Naeman he womi nɔ hiɔ yaya a ma ba pue o he, nɛ o kɛ o nina maa nu hiɔ nɛ ɔ kɛ maa ya neneene.” Benɛ Gehazi je lejɛ ɔ, he womi nɔ hiɔ yaya pue e he, nɛ e he womi pee patapata kaa ngo.

Matsɛmɛ II, 7:3

Nyumuhi eywiɛ komɛ nɛ he womi nɔ hiɔ yaya ngɛ a he hi Samaria ma a agbo ɔ nya. Ligbi ko ɔ, a de a he ke, “Mɛni he je wa maa hi si ngɛ hiɛmɛ nɛ ɔ kɛ yaa si wa ma gbo ɔ?

Kronika I, 21:16

David na Yawɛ bɔfo ɔ nɛ daa si ngɛ hiɔwe kɛ zugba a kpɛti. E hɛɛ e klaate ɔ ngɛ e dɛ mi, nɛ e miɔ nɛ e ma kpata Yerusalem hɛ mi. Kɛkɛ nɛ David kɛ ma nimeli ɔmɛ tsuo kpla si, nɛ a ngɔ a hɛ mi ngɔ bu si. Mɛ tsuo a bu kpekpe.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Mose II, 4:6

Yawɛ de lɛ ekohu ke, “Ngɔɔ o nine kɛ hɔ o tade ɔ mi ngɛ o tsui nya.” Nɛ e pee jã. Se benɛ e je e nine ɔ, tsaoo, e nine ɔ he pee patapata kɛ hiɔ tsu, nɛ e hiɛ kaa snoo.

Mose III, 13:16

Ke pa a gbo, nɛ e he womi lo ɔ pee futaa ekohu ɔ, hiɔtsɛ ɔ nɛ kpale ba na osɔfo ɔ.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Mateo 26:6

Jehanɛ Yesu ba su Betania, nɛ e ba Simon we ɔ mi. Simon nɛ ɔ nu he womi nɔ hiɔ yaya hyɛ.

Mateo 9:28

Benɛ Yesu ya sɛ we ko mi ɔ, hɛ yuyuili ɔmɛ ba e ngɔ, nɛ e bi mɛ ke, “Nyɛ heɔ yeɔ kaa ma nyɛ ma tsa nyɛ lo?” A he nɔ ke, “Ee, Nyɔmtsɛ!”

Marko 5:23

nɛ e fa kue wawɛɛ ha lɛ ke, “Ye biyo wayoo miɔ nɛ e ma gbo. Ba nɛ o kɛ o nine ba pue e nɔ, konɛ e na he wami, nɛ e yi nɛ na wa.”

Luka 17:16

E kɛ e hɛ mi ba bu si ngɛ Yesu nane nya, nɛ e na lɛ si. Se nyumu ɔ, Samaria no ji lɛ.

Luka 5:13

Yesu kpa e nine mi, nɛ e ta nyumu ɔ he, nɛ e de lɛ ke, “Ee, i suɔ! A tsa mo!” Nɛ amlɔ ɔ, hiɔ ɔ ta.

Mose V, 24:8

“Ke o ngɛ he womi nɔ hiɔ yaya ko nue ɔ, hyɛ nɛ o pee bɔ nɛ Levi bi ɔmɛ nɛ ji osɔfo ɔmɛ ma de mo ke o pee ɔ pɛpɛɛpɛ kaa bɔ nɛ i fa mo ɔ.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”