Luka 4:8 - BAIBLO ALOO NGMAMI KLƆUKLƆU Ɔ

⁸ Yesu he nɔ ke, “A ngma ke, ‘Já Nyɔmtsɛ, o Mawu ɔ, nɛ o sɔmɔ lɛ pɛ.’ ”

Somi He Ɔ

⁸ Yesu he nɔ nɛ e de lɛ ke: “A ngma ke: ‘Ja Nyɔmtsɛ o Mawu ɔ, nɛ lɛ kɛkɛ o sɔmɔ.’ ”

Luka 4:8 ပူးပေါင်းရင်းမြစ်များ

Matsɛmɛ II, 19:15

nɛ e fa kue ha Yawɛ ke, “Yawɛ, Israel Mawu lee, mo nɛ o hii si ngɛ o matsɛ sɛ ɔ nɔ ngɛ kerub ɔmɛ a yi mi lokoo. Mo nɔ kake too ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Luka 4:4

Se Yesu de lɛ ke, “A ngma ke, ‘Pi abolo kɛkɛ nɛ haa nɔmlɔ yi naa wami.’ ”

Luka 4:7

Lɔ ɔ he ɔ, ke o kpla si nɛ o ja mi ɔ, enɛ ɔmɛ tsuo maa pee o nɔ́.”

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Yakobo 4:7

Lɔ ɔ he ɔ, nyɛɛ ba nyɛ he si ha Mawu. Nyɛɛ te si kɛ wo Abosiami, nɛ e maa tu nyɛ nya fo.

1 Petro 5:9

Nyɛ hemi kɛ yemi ɔ mi nɛ wa, nɛ nyɛɛ tsi lɛ blɔ. Ejakaa nyɛ le kaa nihi nɛ heɔ Kristo yeɔ kaa nyɛ ngɛ je ɔ mi tsuo ɔ, mɛ hu kikɛmɛ a amanehlu nɛ ɔ nɔuu a ngɛ nae.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 22:9

Se e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ, gbali ɔmɛ, kɛ nihi tsuo nɛ pɛtɛɔ munyuhi nɛ ngɛ womi nɛ ɔ mi ɔ he ɔ. Já Mawu mohu!”

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”