Luka 4:6 - BAIBLO ALOO NGMAMI KLƆUKLƆU Ɔ

⁶ Abosiami de lɛ ke, “Hyɛ, he wami, kɛ hɛ mi nyami nɛ ɔ tsuo mo ma ngɔ ha. Mawu lɛ ngɔ ha mi, nɛ nɔ tsuaa nɔ nɛ i suɔ ɔ, ma ngɔ ha lɛ.

Somi He Ɔ

⁶ Abosiami de lɛ ke: Mo ma ngɔ hewami nɛ ɔmɛ tsuo kɛ a nyami ɔmɛ ngɔ ha, ejakaa imi a ngɔ ha, nɛ nɔ tsuaa nɔ nɛ i suɔ ɔ, lɛ i kɛ haa.

Luka 4:6 ပူးပေါင်းရင်းမြစ်များ

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Yesaya 23:9

Yawɛ Tabohiatsɛ ɔ nitsɛ lɛ pee. E pee enɛ ɔ, konɛ a he nɔ womi ɔ se nɛ po, nɛ nimli nguangua amɛ hu a he guɛ nɛ gbo.

Yesaya 5:14

Hwɔ ngɛ gbeje yee, nɛ e gbɛ e nya mi hatoo nɛ e maa mii mɛ. E ngɛ Yerusalem odehe ɔmɛ, kɛ ni gu ɔmɛ nɛ a ngɛ hoo pee ɔ tsuo miie si kake too.

Luka 4:7

Lɔ ɔ he ɔ, ke o kpla si nɛ o ja mi ɔ, enɛ ɔmɛ tsuo maa pee o nɔ́.”

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

2 Korintobi 11:14

Enɛ ɔ be nyakpɛ tete! Satan nitsɛ nyɛɔ tsakeɔ e he peeɔ bɔfo nɛ ngɛ kpɛe kaa la!

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.