Luka 4:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ Abosiami ngɔ lɛ kɛ ya hiɔwe, nɛ e kɛ je nɛ ɔ mi matsɛ yemi ɔmɛ tsuo tsɔɔ lɛ hɛngmɛfia.

Somi He Ɔ

⁵ Kɛkɛ nɛ abosiami ngɔ lɛ kɛ ya yo gaga ko nɔ, nɛ e ngɔ je mi matsɛ yemi ɔmɛ tsuo ngɔ tsɔɔ lɛ hɛngmɛfia.

Luka 4:5 ပူးပေါင်းရင်းမြစ်များ

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

La 73:19

Ee, a hɛ mi ma kpata si kake too; a nyagbe maa pee gbeye.

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Mateo 4:8

Jehanɛ lɛɛ Abosiami ngɔ Yesu kɛ ya yo gagaaga ko nɔ. E tsɔɔ Yesu matsɛ yemihi tsuo nɛ ngɛ je ɔ mi, kɛ bɔ nɛ a hɛ mi ngɛ nyami ha,

1 Korintobi 7:31

nihi nɛ a kɛ je ɔ ngɛ bɔe ɔ, a pee a ní kaa nihi nɛ puɛ we a be ngɛ je ɔ mi. Ejakaa je ɔ, bɔ nɛ e ngɛ nɛ ɔ, e se be kɛe.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.