Luka 4:43 - BAIBLO ALOO NGMAMI KLƆUKLƆU Ɔ

⁴³ Se e de mɛ ke, “E hia kaa ma ya fiɛ Mawu matsɛ yemi ɔ he sane kpakpa a ngɛ ma kpa amɛ a mi hulɔ, ejakaa lɔ ɔ nɛ Mawu tsɔ mi ke ma ba tsu.”

Somi He Ɔ

⁴³ Se e de mɛ ke: “E sa kaa i ya fiɛɛ Mawu matsɛ yemi ɔ he Sane Kpakpa a ngɔ tsɔɔ ma kpa kome hulɔ, ejakaa lɔ ɔ he a tsɔ mi kɛ ba ngɛ.”

Luka 4:43 ပူးပေါင်းရင်းမြစ်များ

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Yohane 9:4

Nɛ je na nɛ ɔ, ja wa tsu nɔ nɛ tsɔ mi ɔ ní tsumi ɔmɛ. Je maa jɔ, nɛ nɔ ko nɔ ko be nyɛe ma tsu ní.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Yohane 20:21

Jehanɛ ɔ, Yesu kpale de mɛ ekohu ke, “Nyɛ he manye! Bɔ nɛ Tsɛ ɔ tsɔ mi ɔ, ja nɔuu imi hu i ngɛ nyɛ tsɔe.”

Yesaya 48:16

“Jehanɛ, nyɛɛ hɛ nyɛ kɛ ba ye ngɔ nɛ nyɛ ba bu mi tue. Kɛ je sisije ɔ tsuo lakpa ko be ye munyu mi, nɛ ye munyu ɔmɛ baa mi sisiisi.” Hɛ mi nyɛɛlɔ ɔ nɛ Yawɛ hla a he nɔ ke, “Nyɔmtsɛ Yawɛ ngɔ e mumi ɔ ngɔ wo ye mi, nɛ e tsɔ mi.”

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Marko 1:35

Makɛ mla, benɛ je mi tsɔ we lolo ɔ, Yesu te si nɛ e je kpo kɛ ho nga a nɔ he ko banee ya nɛ e ya sɔle.