Luka 4:35 - BAIBLO ALOO NGMAMI KLƆUKLƆU Ɔ

³⁵ Yesu nga mumi ɔ yi ke, “Ma o nya! Jee kpo ngɛ nyumu ɔ mi!” Mumi yayami ɔ sake nyumu ɔ ngɔ fia si ngɛ a hɛ mi, nɛ e je e mi. Se e yi lɛ awi.

Somi He Ɔ

³⁵ Kɛkɛ nɛ Yesu nga e yi nɛ e ke: “Ma o nya nɛ o je e mi!” Mumi yayami ɔ sake lɛ ngɔ fɔ si ngɛ a hɛ mi, nɛ e je e mi, nɛ e yi lɛ awi ko,

Luka 4:35 ပူးပေါင်းရင်းမြစ်များ

La 50:16

Se yayami peelɔ ɔ, bɔ nɛ Mawu ngɛ lɛ dee ji, “Mɛnɔ ha mo he blɔ ke o kane ye mlaa amɛ blɛblɛɛblɛ, loo o tu ye somi ɔ he munyu?

Zakaria 3:2

Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Mateo 17:18

Yesu nga mumi yayami ɔ yi nɛ e je e mi, nɛ a tsa lɛ jamɛ a ngmlɛfia a nɔuu.

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Marko 1:26

Mumi yayami ɔ huanya nyumu ɔ; nyumu ɔ kpa ngmlaa wawɛɛ, kɛkɛ nɛ mumi ɔ je e mi.

Marko 4:39

Yesu te si, nɛ e nga kɔɔhiɔ ɔ yi, nɛ e de wo ɔ ke, “Ngmɛɛ dii!” Kɔɔhiɔ ɔ jɔɔ fiami, nɛ wo ɔ ngmɛ dii.

Marko 9:26

Mumi ɔ kpa ngmlaa, nɛ e ha jokuɛ ɔ lua gaganii, nɛ e je e mi. Jokuɛ ɔ pee kaa nɔ gbogboe. Lɔ ɔ he ɔ, bɔ nɛ nihi babauu de ji, “Jokuɛ ɔ gbo.”

Luka 11:22

Se ke nɔ nɛ he wa pe lɛ ba tua lɛ, nɛ e ye e nɔ ɔ, e kpɔɔ e ta hwumi níhi tsuo nɛ e ngɔ e hɛ ngɔ fɔ nɔ ɔ ngɛ e dɛ, nɛ e dlaa e ju ní ɔ mi.

Luka 4:23

Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Luka 4:39

Yesu hɛ lɛ kɛ su e he, nɛ e nga asla a yi. Asla a po ngɛ yo ɔ nɔ, nɛ amlɔ ɔ, e te si nɛ e bɔni ni ɔmɛ nɛ ngɛ lejɛ ɔ sɔmɔmi.

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.

Luka 8:24

Yesu kaseli ɔmɛ ya tsɛ̃ɛ̃ lɛ, nɛ a de ke, “Nyɔmtsɛ, Nyɔmtsɛ! Wa gbo oo!” Kɛkɛ nɛ Yesu te si, nɛ e nga kɔɔhiɔ kɛ wo nɛ gli ɔ yi. Kɔɔhiɔ ɔ kpa fiami, nɛ wo ɔ ngmɛ dii, nɛ lejɛ ɔ jɔ.

Luka 9:39

Ke pee ɔ, mumi yayami maa ba e nɔ, nɛ e ma kpa ngmlaa si kake too. Kɛkɛ mumi ɔ ma ha nɛ e ma lua gaganii, nɛ e nya maa fia hwɔli. Mumi ɔ maa hi jokuɛ nɛ ɔ nɔ́ yeyee pee hluu nɛ he jɔmi be mi.

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Kpojemi 12:12

Lɔ ɔ he ɔ, nyɛ nihi tsuo nɛ nyɛ ngɛ hiɔwe ɔ, nyɛ bua nɛ jɔ! Se je ɔ, kɛ wo, nyɛɛ lɛɛ musu tloo nyɛ! Abosiami kple si kɛ ba nyɛ ngɔ. E mi mi fu wawɛɛ, ejakaa e le kaa be bɔɔ kɛkɛ nɛ piɛ ha lɛ.”