Luka 4:32 - BAIBLO ALOO NGMAMI KLƆUKLƆU Ɔ

³² Bɔ nɛ e tsɔɔ ní ɔ ha ni ɔmɛ tsuo a he mi po, ejakaa e tu munyu kɛ he wami.

Somi He Ɔ

³² Nɛ mɛ tsuo a nya kpɛ a he ngɛ e nitsɔɔmi ɔ he, ejakaa e munyu ɔ mi ngɛ hewami.

Luka 4:32 ပူးပေါင်းရင်းမြစ်များ

Marko 1:22

Nihi nɛ ba bu lɛ tue ɔ, a he mi po ngɛ e ní tsɔɔmi ɔ he, ejakaa e tsɔɔ mɛ ní kaa nɔ nɛ ngɛ he blɔ, pi kaa bɔ nɛ mlaa tsɔɔli ɔmɛ tsɔɔ ɔ.

Luka 2:47

Nihi tsuo nɛ ngɛ lɛ tue bue ɔ a nya kpɛ a he; ejakaa a na kaa e juɛmi mi kuɔ, nɛ e ngɛ níhi a heto hae pɛpɛɛpɛ.

Luka 4:33

Nyumu ko ngɛ kpe he ɔ nɛ mumi yayami ngɛ e mi. E kpa ngmlaa wawɛɛ ke,

Luka 4:36

Ni ɔmɛ tsuo a he mi po, nɛ a bi a he ke, “Mɛni nyakpɛ munyu po ji nɛ ɔ? Nyumu nɛ ɔ kɛ he wami ngaa mumi yayamihi a yi, kɛkɛ a jeɔ kpo!”

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Yohane 7:46

Tsɔli ɔmɛ he nɔ ke, “Bɔ nɛ nɔmlɔ nɛ ɔ tuɔ munyu ɔ, nɔ ko tu we munyu ja gblee.”

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

Tito 2:15

Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.