Luka 4:28 - BAIBLO ALOO NGMAMI KLƆUKLƆU Ɔ

²⁸ Benɛ nihi nɛ ngɛ kpe he ɔ nu nɔ́ nɛ ɔ, mɛ tsuo a mi mi fu.

Somi He Ɔ

²⁸ Nɛ nihi nɛ ngɛ kpe he ɔ tsuo a muklii mi fu benɛ a nu enɛ ɔ ɔ.

Luka 4:28 ပူးပေါင်းရင်းမြစ်များ

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

Luka 6:11

Se ni ɔmɛ lɛɛ a mi mi wo la wawɛɛ, nɛ a bɔni Yesu yi nɔ somi ngɛ a ní sɛɛmi mi ke, “Kɛ wa maa pee Yesu nɛ ɔ kɛɛ?”

Yeremia 38:6

Kɛkɛ nɛ a nu mi nɛ a kɛ kpa siu mi kɛ wo matsɛbinyumu ɔ nɛ a tsɛɛ lɛ Malkia a e vu mi ngɛ matsɛ we ɔ kue ɔ mi. Nyu be vu ɔ mi; mɔsɔ kɛkɛ lɛ ngɛ mi. Nɛ i pu ngɛ mɔsɔ ɔ mi.

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Luka 4:27

Jehanɛ ɔ se hu, gbalɔ Elisha be ɔ mi ɔ, nihi fuu ngɛ Israel nɛ he womi nɔ hiɔ yaya ngɛ a he. Se a tsa we a ti nɔ ko nɔ ko, pe Naeman, Siria no ɔ pɛ.”

Luka 4:29

A te si nɛ a nu Yesu, nɛ a kɛ lɛ je ma a mi kɛ ho yoku ɔ nɛ a ma a maa si ngɛ nɔ ɔ yi mi ya. A to a yi mi kaa a ma tsitsɛɛ e yi se kɛ wo kɔ̃ ɔ mi,