Luka 4:23 - BAIBLO ALOO NGMAMI KLƆUKLƆU Ɔ

²³ Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Somi He Ɔ

²³ Se e de mɛ ke: “Bɔ tsuaa bɔ nɛ pee ɔ nyɛ maa bu mi abɛ nɛ ɔ ke: ‘Tsopatsɛ, tsa mo nitse o he! Nihi abɔ nɛ wa nu kaa o pee ngɛ Kapernaum ɔ, pee ngɛ hiɛ ɔ nɛ ji mo nitse o ma a mi hulɔ.’ ”

Luka 4:23 ပူးပေါင်းရင်းမြစ်များ

Mateo 13:54

nɛ e kpale kɛ ba lɛ nitsɛ e ma mi. E tsɔɔ ní ngɛ kpe he ɔ, nɛ nihi nɛ bu lɛ tue ɔ, a nya kpɛ a he. A bi ke, “Jije nyumu nɛ ɔ ná kikɛmɛ a nile nɛ ɔ kɛ je? E nyakpɛ ní ɔmɛ hu nɛɛ?

Mateo 4:13

E je Nazaret kɛ ba hi Kapernaum, wo nya ma a nɛ ngɛ Zebulun kɛ Naftali kpokpa a nɔ ɔ.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Marko 6:1

Yesu je lejɛ ɔ, nɛ e kɛ e kaseli ɔmɛ kpale kɛ ho e ma mi ya.

Luka 2:39

Benɛ Yosef kɛ Maria pee kusumi ɔmɛ tsuo gbe nya kaa bɔ nɛ Nyɔmtsɛ ɔ mlaa a tsɔɔ ɔ, a kpale a se kɛ ho mɛ nitsɛmɛ a ma Nazaret, nɛ ngɛ Galilea a ya.

Luka 2:51

Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.

Luka 4:16

Enɛ ɔ se ɔ, Yesu ba Nazaret, he nɛ a lɛ lɛ ngɛ ɔ. Hejɔɔmi ligbi ɔ, e ya kpe he ɔ kaa bɔ nɛ e pɔɔ peemi ɔ. E te si, konɛ e kane ngmami ɔ,

Luka 4:31

Jehanɛ ɔ, Yesu ba Kapernaum ma a mi ngɛ Galilea, nɛ Hejɔɔmi ligbi ɔ, e ya kpe he ɔ ya tsɔɔ ní.

Luka 4:35

Yesu nga mumi ɔ yi ke, “Ma o nya! Jee kpo ngɛ nyumu ɔ mi!” Mumi yayami ɔ sake nyumu ɔ ngɔ fia si ngɛ a hɛ mi, nɛ e je e mi. Se e yi lɛ awi.

Luka 6:42

Ko de o nyɛmi ke e ha nɛ o je ngu nyafii nɛ ngɛ e hɛngmɛ nɔ ɔ, be mi nɛ plai agbo nɛ ngɛ mo nitsɛ o hɛngmɛ nɔ ɔ lɛɛ o nɛ. Osatotsɛ! Je plai ɔ ngɛ mo nitsɛ o hɛngmɛ nɔ kekle; kɛkɛ ɔ, o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.

Yohane 4:28

Kɛkɛ nɛ yo ɔ si e paya buɛ ɔ, nɛ e pue nɔ kɛ ho ma a mi ya; nɛ e ya de ma mi bi ɔmɛ ke,

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.