Luka 4:22 - BAIBLO ALOO NGMAMI KLƆUKLƆU Ɔ

²² Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Somi He Ɔ

²² Nɛ nihi tsuo ye lɛ odase, nɛ a nya kpɛ a he ngɛ dloomi munyuhi nɛ je e nya a he, nɛ a de ke: “Anɛ pi Yosef bi nyumu ɔ ji nɛ ɔ?”

Luka 4:22 ပူးပေါင်းရင်းမြစ်များ

Yohane 6:42

nɛ a bi ke, “Anɛ pi Yosef bi Yesu ɔ ji nɛ ɔ? Tse wa le e tsɛ kɛ e nyɛ! Nɛ lɛɛ e ke e je hiɔwe ɔ? Kɛ pee kɛɛ nɛ e deɔ jã mɔ?”

La 45:2

O he ngɛ fɛu pe nɔ tsuaa nɔ. O nya mi tsɔ kɛ munyu tumi. Mawu gbaa mo kɛ yaa neneene.

Abɛ Womi 16:21

Nɔ nɛ nuɔ nɔ́ sisi ɔ, ní lelɔ ji lɛ. E kɛ munyu blɛuu gblaa nihi a juɛmi se kɛ baa anɔkuale ɔ he.

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

Ni Tsumi 6:10

Se Mumi Klɔuklɔu ɔ ha Stefano nile, nɛ benɛ e tu munyu ɔ, a nyɛ we nya nɛ a da.

Yohane 7:46

Tsɔli ɔmɛ he nɔ ke, “Bɔ nɛ nɔmlɔ nɛ ɔ tuɔ munyu ɔ, nɔ ko tu we munyu ja gblee.”

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Abɛ Womi 25:11

Munyu nɛ a tu pɛpɛɛpɛ ngɛ be nɛ sa mi ɔ, e ngɛ kaa sika tsu akutuhi nɛ a to ngɔ wo sika hiɔ nɔ́ mi.

Abɛ Womi 10:32

Nihi nɛ peeɔ nɔ́ nɛ da a, a le nɔ́ nɛ sa nɛ a de. Se yayami peeli lɛɛ munyu nɛ puɛɔ nɔ́ lɛ a tuɔ.

La 45:4

Yaa! Hii okpɔngɔ nɔ kɛ ya ye kunimi, nɛ o kɔsɔ. Yaa nɛ o ya fa anɔkuale, kɛ dami sane he! Ngɔɔ o he wami ɔ kɛ tsu nyakpɛ ní nguanguahi!

Luka 2:47

Nihi tsuo nɛ ngɛ lɛ tue bue ɔ a nya kpɛ a he; ejakaa a na kaa e juɛmi mi kuɔ, nɛ e ngɛ níhi a heto hae pɛpɛɛpɛ.

Fiɛlɔ 10:12

Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi.

Luka 2:48

Benɛ e fɔli ɔmɛ na lɛ ɔ, a nya kpɛ a he; nɛ e nyɛ bi lɛ ke, “Ye bi, mɛni he je nɛ o pee wɔ kikɛ nɛ ɔ? Hyɛ, i kɛ o tsɛ kpa si hla mo kɛ hɛdɔ.”

Luka 4:21

Jehanɛ ɔ, e tu munyu nɛ e de ke, “Mwɔnɛ ligbi nɛ ɔ, ngmami nɛ ɔ ba mi, nɛ nyɛ nu kɛ nyɛ tue.”

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”