Luka 4:2 - BAIBLO ALOO NGMAMI KLƆUKLƆU Ɔ

² nɛ Abosiami ya ka lɛ ngɛ lejɛ ɔ ligbi nyingmi eywiɛ. Jamɛ a be ɔ mi tsuo e yi nɔ́ ko nɔ́ ko, nɛ nyagbe ɔ, hwɔ ye lɛ.

Somi He Ɔ

² se kɛ je Yordan he, nɛ Mumi ɔ kpaka lɛ kɛ ya nga a nɔ, nɛ abosiami ya ka lɛ ngɛ lejɛ ɔ ligbi nyingmi eywiɛ. Nɛ lɛ be ɔmɛ a mi ɔ, e yi nɔ́ ko nɔ́ ko nɛ lɔ ɔ se ɔ hwɔ ye lɛ.

Luka 4:2 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Matsɛmɛ I, 19:8

Eliya te si, nɛ e ye ní, nɛ e nu nyu; nɛ niye ní ɔ ha lɛ he wami nɛ e kɛ nyɛɛ nyɔ kɛ pia ligbi nyingmi eywiɛ kɛ ya Sinai, yo klɔuklɔu ɔ nɔ.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

Mose II, 34:28

Mose kɛ Yawɛ hi lejɛ ɔ nyɔ kɛ pia ligbi nyingmi eywiɛ; e yi nɔ́ ko ɔ, nyu hu e nui. Nɛ e ngma somi munyu ɔmɛ nɛ ji mlaa nyɔngma amɛ ngɔ fɔ tɛ tɛtlɛɛ ɔmɛ a nɔ.

Yona 3:7

E tsɔ kɛ sɛ pɔtɛɛ ko ke a ya de Nineve bi ɔmɛ ke, “Imi Nineve matsɛ, kɛ ye nikɔtɔma amɛ wa ngɛ mlaa woe ke, nɔ ko nɔ ko nɛ ko sa e nya nɔ́ ko, loo e nu nyu po; nɔmlɔ jio, na jio, to jio.

Mateo 21:18

Mɔtu benɛ Yesu kpale e se kɛ yaa ma a mi ɔ, hwɔ ye lɛ.

Mateo 4:2

Benɛ Yesu ha hwɔ nyɔ kɛ pia ligbi nyingmi eywiɛ se ɔ, hwɔ ye lɛ.

Luka 4:3

Abosiami de lɛ ke, “Ke Mawu Bi ji mo ɔ, ha nɛ tɛ nɛ ɔ nɛ plɛ abolo.”

Yohane 4:6

Yakob vu ɔ ngɛ lejɛ ɔ. Piani ngmlɛ nyɔngma kɛ enyɔ ɔ, Yesu ba su vu ɔ he, nɛ e ya hi si, ejakaa pɔ tɔ lɛ kɛ blɔ nyɛɛmi.

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Mose V, 9:25

“Lɔ ɔ he ɔ, i ya kpla si ngɛ Yawɛ hɛ mi nyɔnyɔɔnyɔ kɛ piapiaapia ligbi nyingmi eywiɛ sɔuu kɛ kpa pɛɛ ha nyɛ; ejakaa i le kaa Yawɛ to kaa e ma kpata nyɛ hɛ mi.

Mose V, 9:9

Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.

Hebribi 2:18

Jehanɛ lɛɛ, nihi tsuo nɛ ngɛ ka mi ɔ, e ma nyɛ maa wo mɛ he wami; ejakaa lɛ nitsɛ ɔ, a ka lɛ, nɛ e na amanehlu.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Samuel I, 17:16

Daa mɔtu kɛ gbɔkuɛ ɔ, Goliat maa ba nɛ e ma ba tsɔ̃ Israel bi ɔmɛ a nya; e pee ja ligbi nyingmi eywiɛ sɔuu.