Luka 4:16 - BAIBLO ALOO NGMAMI KLƆUKLƆU Ɔ

¹⁶ Enɛ ɔ se ɔ, Yesu ba Nazaret, he nɛ a lɛ lɛ ngɛ ɔ. Hejɔɔmi ligbi ɔ, e ya kpe he ɔ kaa bɔ nɛ e pɔɔ peemi ɔ. E te si, konɛ e kane ngmami ɔ,

Somi He Ɔ

¹⁶ Nɛ Yesu ba Nazaret he nɛ a lɛ lɛ ngɛ ɔ, nɛ kaa bɔ nɛ e pɔɔ peemi ɔ, e ya kpe he ɔ ngɛ Hejɔɔmi Ligbi ɔ nɔ. E te si konɛ e kane ni, nɛ

Luka 4:16 ပူးပေါင်းရင်းမြစ်များ

Mateo 2:23

nɛ e ya hi ma ko nɛ a tsɛɛ Nazaret ɔ. Nɛ nɔ́ nɛ gbali ɔmɛ de to ɔ ba mi ke, “A ma tsɛ lɛ Nazaret no.”

Luka 2:39

Benɛ Yosef kɛ Maria pee kusumi ɔmɛ tsuo gbe nya kaa bɔ nɛ Nyɔmtsɛ ɔ mlaa a tsɔɔ ɔ, a kpale a se kɛ ho mɛ nitsɛmɛ a ma Nazaret, nɛ ngɛ Galilea a ya.

Luka 2:42

Benɛ Yesu ye jeha nyɔngma kɛ enyɔ ɔ, a ya Yerusalem kaa bɔ nɛ kusumi ɔ tsɔɔ ɔ.

Luka 2:51

Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.

Luka 4:15

E tsɔɔ ní ngɛ kpe he ɔmɛ, nɛ nihi tsuo je e yi.

Luka 4:17

nɛ a ngɔ gbalɔ Yesaya womi ɔ ngɔ sɔle lɛ. Benɛ e bli womi ɔ, e na he nɛ a ngma ngɛ ke,

Luka 4:21

Jehanɛ ɔ, e tu munyu nɛ e de ke, “Mwɔnɛ ligbi nɛ ɔ, ngmami nɛ ɔ ba mi, nɛ nyɛ nu kɛ nyɛ tue.”

Luka 4:23

Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Yohane 18:20

Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Ni Tsumi 17:2

Paulo ya kpe he ɔ kaa bɔ nɛ e pɔɔ peemi ɔ. E kɛ Yuda bi ɔmɛ ya hla ngmami ɔmɛ a mi Hejɔɔmi ligbi etɛ sɔuu.