Luka 3:7 - BAIBLO ALOO NGMAMI KLƆUKLƆU Ɔ

⁷ Nihi babauu ba Yohane ngɔ, konɛ e sɔle mɛ. Nɛ e de mɛ ke, “Nyɛ sinɔhi a nina, mɛnɔ wo nyɛ ga ke nyɛɛ tu tue gblami nɛ Mawu kɛ ma nyɛ nɔ ɔ nya fo?

Somi He Ɔ

⁷ Kɛkɛ nɛ e de asafo ɔmɛ nɛ ba e ngɔ nɛ e baptisi mɛ ɔ ke: “Sinɔhi a nina, mɛnɔ tu munyu tsɔɔ nyɛ ke nyɛɛ tu muklii mi fumi nɛ ma a nya fo?

Luka 3:7 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Yesaya 59:5

Nyɛ ga yaya amɛ ngɛ kaa sinɔ duɔtsɛ hlui. Ke hlui ɔ ywia a, sinɔ duɔtsɛ jeɔ kpo kɛ jeɔ mi! Se nyɛ ga yaya amɛ a he be se nami ko kulaa; a ngɛ kaa bo nɛ a ngɔ anani ya kɛ lo!

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Mateo 23:33

Sinɔhi kɛ sinɔhi a nina! Nyɛ tue nɛ a maa gbla ngɛ Abosiami a je la a mi ɔ, kɛ nyɛ maa pee kɛ tu fo ngɛ nya kɛɛ?

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

1 Tesalonikabi 1:10

Mawu Bi Yesu ɔ nɛ Mawu tle lɛ si kɛ je gbeje ɔ, a tsɔɔ kaa nyɛ ngɛ lɛ blɔ hyɛe kaa e maa je hiɔwe kɛ ba ekohu. Lɛ ji nɔ nɛ ma je wɔ kɛ je tue gblami nɛ ma a mi.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.