Luka 3:3 - BAIBLO ALOO NGMAMI KLƆUKLƆU Ɔ

³ Lɔ ɔ he ɔ, Yohane kpa Yordan kpokpa a nɔ tsuo, nɛ e fiɛ ke, “Nyɛ tsake nyɛ tsui, nɛ a sɔle nyɛ, konɛ Mawu nɛ ngɔ nyɛ he yayami ɔmɛ kɛ pa nyɛ.”

Somi He Ɔ

³ Nɛ e kpa Yordan kpo ɔmɛ tsuo a mi nɛ e fiɛ baptisimi nɛ a kɛ naa tsui tsakemi kɛ yayami pami;

Luka 3:3 ပူးပေါင်းရင်းမြစ်များ

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Luka 1:16

nɛ e ma ha nɛ Israel bi babauu maa kpale kɛ ba Nyɔmtsɛ, a Mawu ɔ ngɔ.

Luka 1:77

O ma de e ma a ke Mawu maa ngɔ a he yayami kɛ pa mɛ, nɛ e ma he a yi wami.

Luka 4:1

Yesu kpale e se kɛ je Yordan kɛ ba, nɛ Mumi Klɔuklɔu ɔ hyi lɛ tɔ. Mumi ɔ ngɔ lɛ kɛ ya nga a nɔ,

Yohane 1:28

A pee ní nɛ ɔmɛ tsuo ngɛ Betania, ngɛ Yordan pa a beleku je, he nɛ Yohane ngɛ nihi sɔlee ngɛ ɔ.

Yohane 3:26

Lɔ ɔ he ɔ, kaseli ɔmɛ ba Yohane ngɔ, nɛ a ba bi lɛ ke, “Tsɔɔlɔ, nyumu ɔ nɛ e kɛ mo hi Yordan pa a beleku je nɛ o tu e he munyu ɔ, o kai lɛ lo? Hyɛ, amlɔ nɛ ɔ, nihi babauu ngɛ e ngɔ yae, nɛ e ngɛ mɛ sɔlee.”

Ni Tsumi 13:24

Loko Yesu bɔni e ní tsumi ɔ, Yohane ba fiɛ kɛ tsɔɔ Israel ma a tsuo ke a kpa yayami peemi, nɛ a sɔle mɛ.

Ni Tsumi 19:4

Paulo ya nɔ ke, “Yohane tsɔɔ kaa nihi nɛ tsake a tsui loko a sɔle mɛ. Nɛ e de Israel ma a ke, ‘Nyɛ he nɔ nɛ ma ngɛ ye se ɔ nyɛɛ ye. Lɛ ji Yesu ɔ nɛ.’ ”

Ni Tsumi 22:16

Mɛni he je nɛ o ngɛ tsle toe? Tee si nɛ o ha a sɔle mo ngɛ Nyɔmtsɛ ɔ biɛ mi, nɛ o kpa Mawu pɛɛ nɛ e ngɔ o he yayami kɛ pa mo.’