Luka 3:18 - BAIBLO ALOO NGMAMI KLƆUKLƆU Ɔ

¹⁸ Yohane gu blɔ slɔɔtohi a nɔ nɛ e kɛ wo ni ɔmɛ he wami benɛ e ngɛ sane kpakpa a fiɛe ɔ.

Somi He Ɔ

¹⁸ Nɛ e de ni kpa komɛ fuu hu kɛ wo mɛ ga, kɛ fiɛ Sane Kpakpa a tsɔɔ mɛ,

Luka 3:18 ပူးပေါင်းရင်းမြစ်များ

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Yohane 1:34

Nɔ́ nɛ ɔ ba mi jã pɛpɛɛpɛ nɛ i na, lɔ ɔ he nɛ i ngɛ odase yee ke Yesu ji Mawu Bi ɔ nɛ.”

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 1:15

Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Luka 3:19

Se Yohane kã amlaalo nɔkɔtɔma Herode hɛ mi, ejakaa Herode ya ngɔ lɛ nitsɛ e nyɛmi Filipo e yo Herodia; Herode pee yayami kpahi fuu hu ngɔ piɛ he.

Ni Tsumi 20:2

E kpa si kɛ gu lejɛ ɔ kpokpa amɛ a nɔ, nɛ e tu munyuhi saminya kɛ wo ni ɔmɛ he wami. Jehanɛ ɔ, e ba su Akaya,

Romabi 12:8

Ke wa nɔ́ ji kaa waa tu munyu kɛ wo nyɛmimɛ he wami ɔ, waa wo mɛ he wami. Nɔ nɛ maa ke ní ɔ, e pee kɛ bua jɔmi. Hɛ mi nyɛɛlɔ ɔ, e tsu ní ɔ wawɛɛ; nɛ nɔ nɛ naa mɔbɔ ɔ, e pee kɛ bua jɔmi.