Luka 24:45 - BAIBLO ALOO NGMAMI KLƆUKLƆU Ɔ

⁴⁵ Jehanɛ ɔ, e bli a juɛmi nya, konɛ a nu ngmami ɔmɛ a sisi.

Somi He Ɔ

⁴⁵ Kɛkɛ nɛ e bli a juɛmi nya, konɛ a na ngmami ɔmɛ a nya.

Luka 24:45 ပူးပေါင်းရင်းမြစ်များ

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

La 119:18

Bli ye hɛngmɛ, konɛ ma na nyakpɛ níhi nɛ ngɛ o mlaa a mi.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Luka 24:32

A de a he ke, “Benɛ wa ngɛ blɔ ɔ nɔ kɛ ma nɛ e ngɛ wɔ ngmami ɔmɛ a sisi tsɔɔe ɔ, hyɛ bɔ nɛ wa nɔ gbagba te ha!”

Mose II, 4:11

Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Hiob 33:16

Jamɛ a be ɔ, e bliɔ nimli adesahi a tue, konɛ a nu nɔ́ nɛ e ngɛ mɛ dee ɔ. Ke e bɔ mɛ kɔkɔ ɔ, a yeɔ gbeye.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.