Luka 24:44 - BAIBLO ALOO NGMAMI KLƆUKLƆU Ɔ

⁴⁴ Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Somi He Ɔ

⁴⁴ Nɛ e de mɛ ke: “Enɛ ɔmɛ ji ye munyuhi nɛ i kɛ nyɛ tu benɛ i kɛ nyɛ ngɛ lolo ɔ nɛ, kaa ja nihi kulaa nɛ a ngma ngɛ Mose Mlaa a kɛ gbali ɔmɛ kɛ La amɛ a mi ngɛ ye he ɔ na ba mi.”

Luka 24:44 ပူးပေါင်းရင်းမြစ်များ

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

Mose I, 22:18

Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

La 118:22

Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu ba pee kɔ nya tɛ.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Yesaya 52:13

Yawɛ ke, “Ye tsɔlɔ ɔ maa ye manye ngɛ e ní tsumi mi; a ma wo e nɔ gojoo, nɛ a maa wo e hɛ mi nyami babauu!

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 33:14

Yawɛ ke, “Be ma nɛ si nɛ i wo Israel bi, kɛ Yuda bi ɔ, ma ye nɔ.

Ezekiel 17:22

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Imi nitsɛ ma kplɔ seda tso gagaa a yi mi, nɛ ma ya ma ngɛ he ko. Ma ya ma tso nɛ ɔ ngɛ yo gagaa ko nɔ.

Ezekiel 34:23

Ma ngɔ to hyɛlɔ kake kɛ to a nya nɛ e hyɛ a nɔ. Lɛ ji ye tsɔlɔ David. E maa hyɛ a nɔ saminya.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Zakaria 14:4

Jamɛ a be ɔ, Yawɛ maa da si ngɛ Oliv yo ɔ nɔ ngɛ Yerusalem beleku je. Kɛkɛ ɔ, kɔ̃ agbo ko ma gba Oliv yo ɔ mi enyɔ kɛ maa je beleku je kɛ yaa si bonyoku je. Yo ɔ kasa fa ma ya je omleyi je, nɛ kasa fa hu ma ya je leneyi je.

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mose IV, 21:8

nɛ Yawɛ de Mose ke, “Moo pee akɔblee sinɔ nɛ o ngɔ kɛ kpla tso he. Nɔ tsuaa nɔ nɛ sinɔ maa kɔ lɛ, nɛ e maa hyɛ akɔblee sinɔ nɛ ɔ, e yi ma na wami.”

Mose IV, 35:25

Ke e ba mi ja a, ma kpekpemi ɔ nɛ kpɔ nɔ nɛ gbe nɔmlɔ ɔ kɛ je muɔ he lue yelɔ ɔ dɛ mi, nɛ a kpale lɛ kɛ ya ma a mi he nɛ e tu fo kɛ ya sa we ngɛ ɔ. E ya hi lejɛ ɔ kɛ yaa si be mi nɛ osɔfo nɔkɔtɔma pe kulaa a (nɛ a pɔ lɛ nu klɔuklɔu ɔ) ma gbo.

Mateo 1:22

A pee ní nɛ ɔmɛ tsuo, konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi. Nyɔmtsɛ ɔ ke,

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Mateo 26:54

Ke e ba jã a, lɛɛ ngmami ɔmɛ nɛ deɔ ke kikɛ nɛ ɔ e sa kaa níhi nɛ ba a, kɛ jamɛ a ngmami ɔmɛ maa pee kɛ ba mi kɛɛ?”

Mateo 26:56

Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Marko 9:31

ejakaa e ngɛ e kaseli ɔmɛ ní tsɔɔe. E de mɛ ke, “A maa ngɔ Nɔmlɔ Bi ɔ ngɔ wo adesahi a dɛ mi, nɛ a maa gbe lɛ. Se ke a gbe lɛ ɔ, ligbi etɛ se ɔ, e maa te si kɛ ba wami mi ekohu.”

Luka 21:22

Ejakaa lue yemi ligbi ɔmɛ ji nɛ ɔmɛ nɛ; konɛ níhi tsuo nɛ ngmami ɔmɛ de ɔ nɛ ba mi.

Luka 22:37

Ejakaa ngmami ɔ nɛ deɔ ke, ‘A bu lɛ ngɔ ta yayami peeli a he’ ɔ, ye he a ngma ngɛ. Nɛ nɔ́ tsuaa nɔ́ nɛ ngmami ɔ deɔ ngɛ ye he ɔ, ja e ba mi.”

Luka 24:46

E de mɛ ke, “Bɔ nɛ a ngma ji kaa ja a gbe Kristo ɔ, nɛ e te si kɛ je gbeje ligbi etɛ se.

Luka 9:22

E de mɛ hulɔ ke, “Ja Nɔmlɔ Bi ɔ na amanehlu babauu, nɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, se ligbi etɛ se ɔ, Mawu ma tle lɛ si ekohu.”

Luka 9:44

“Nɔ́ nɛ ma de nyɛ nɛ ɔ, nyɛɛ bu tue saminya! A maa ngɔ Nɔmlɔ Bi ɔ kɛ wo nihi nɛ he wa a dɛ mi.”

Yohane 3:14

Bɔ nɛ Mose wo sinɔ ɔ nɔ ngɛ nga a nɔ ɔ, jã nɔuu nɛ e sa kaa a wo Nɔmlɔ Bi ɔ nɔ,

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Yohane 5:46

Kaa nyɛ he Mose ye jinɛ imi hu nyɛ ma he mi maa ye, ejakaa munyuhi nɛ e ngma a, ye he e ngma ngɛ.

Ni Tsumi 13:40

Lɔ ɔ he ɔ, nyɛɛ hyɛ nɛ hi, konɛ nɔ́ nɛ gbali ɔmɛ de ɔ kó ba nyɛ nɔ. A ke,

Ni Tsumi 2:27

Ejakaa o be mi sie ngɛ gbeje; o be hae nɛ o nɔ klɔuklɔu ɔ nɛ puɛ ngɛ yɔkɔ mi.

Ni Tsumi 3:18

Se nɔ́ nɛ Mawu de to momo kɛ gu e gbali ɔmɛ tsuo a nɔ kaa Kristo maa na amanehlu ɔ, ha e ba mi ja niinɛ.

Ni Tsumi 7:37

Kikɛmɛ a Mose nɛ ɔ nɛ de Israel bi ɔmɛ ke, ‘Nyɔmtsɛ, nyɛ Mawu ɔ maa tsɔ gbalɔ ko kɛ je nyɛ nyɛmimɛ ɔmɛ a kpɛti kaa bɔ nɛ e tsɔ mi ɔ nɛ.’

Hebribi 10:1

Yuda bi ɔmɛ a mlaa a ngɛ kaa ní kpakpahi nɛ hi kɛ pi si nɛ maa ba hwɔɔ se ɔ a nini kɛkɛ, pi ní ɔmɛ nitsɛmɛ. Lɛɛ kɛ a maa pee kɛ gu kikɛmɛ a bɔ kake too nɛ a hii sãe nɔtonɔto daa jeha a nɔ kɛ tsu nihi nɛ baa Mawu ngɔ ɔ a he nɛ a hi kɛ pi si kɛɛ?

Hebribi 3:5

Mose ye anɔkuale ngɛ Mawu we ɔ kulaa nɔ kaa sɔmɔlɔ, nɛ e ye odase ngɛ níhi nɛ a ma de hwɔɔ se ɔ a he.

Hebribi 7:1

Melkizedek ɔ, Salem matsɛ, kɛ Mawu Ope ɔ we osɔfo ji lɛ. Be ko ɔ, Abraham kɛ matsɛmɛ komɛ ya hwu ta, nɛ e ye a nɔ. Benɛ e kpale kɛ ma a, e kɛ Melkizedek ba kpe, nɛ Melkizedek gbaa lɛ.

Hebribi 9:8

Nɔ́ nɛ Mumi Klɔuklɔu ɔ ngɛ tsɔɔe ngɛ blɔ nya tomi nɛ ɔmɛ a mi ji kaa be abɔ nɛ kekleekle bo tsu ɔ maa si kɛ mwɔɔ ɔ, lɛɛ a na we nɛ a bli blɔ nɛ a guu kɛ yaa he klɔuklɔu pe kulaa a lolo.

1 Petro 1:11

A bɔ mɔde kaa a maa na be nɛ nɔ́ nɛ ɔ maa ba mi, kɛ bɔ nɛ e ma plɛ kɛ ba ha. Be ɔ nɛ Kristo mumi ɔ nɛ ngɛ a mi ɔ ngɛ tsɔɔe ji lɔ ɔ nɛ. Mumi ɔ de to ke Kristo maa na amanehlu, nɛ lɔ ɔ se ɔ, e hɛ mi maa ba nyami.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.