Luka 24:4 - BAIBLO ALOO NGMAMI KLƆUKLƆU Ɔ

⁴ Nɔ́ nɛ ɔ ha nɛ a pee yaa kɛ daa si. Tlukaa a, nyumuhi enyɔ nɛ wo tade nɛ ngɛ kpɛe klãiklãi ba da si ngɛ a kasa nya.

Somi He Ɔ

⁴ Nɛ e ba mi kaa benɛ a pee yaa ngɛ enɛ ɔ he ɔ, oʼɛ, nyumuhi enyɔ nɛ wo tade klaiklai ba da a kasa nya.

Luka 24:4 ပူးပေါင်းရင်းမြစ်များ

Mose I, 18:2

nɛ e wo e yi nɔ ɔ, e na nyumu ni etɛ komɛ nɛ ma e ngɔ. Benɛ e na mɛ ɔ, e tu fo kɛ je bo tsu sinya a nya nɛ e ya kpee mɛ. E kpla si nɛ e kɛ e hɛ mi bu si,

Marko 16:5

Kɛkɛ nɛ a sɛ yɔkɔ ɔ mi, nɛ a na niheyo ko nɛ hii si ngɛ hiɔ nɔ je kɛ e he tade hiɔ klɔii. Enɛ ɔ ha nɛ a ye gbeye.

Luka 2:9

Tlukaa a, Nyɔmtsɛ ɔ bɔfo ko ba je e he kpo tsɔɔ mɛ. Nyɔmtsɛ ɔ hɛ mi nyami kpɛ kɛ bɔle mɛ, nɛ a ye gbeye wawɛɛ.

Luka 24:5

Yi ɔmɛ ye gbeye wawɛɛ nitsɛ, nɛ a ngɔ a hɛ mi kɛ bu si. Kɛkɛ nɛ nyumu ɔmɛ bi mɛ ke, “Mɛni he je nyɛ ngɛ hɛ kalɔ ɔ hlae ngɛ ni gbogboehi a kpɛti? [

Ni Tsumi 1:10

Benɛ e yaa nɛ a ngɛ hiɔwe hyɛe too kɛ mwɔɔ ɔ, tlukaa a, ne nyumuhi enyɔ nɛ wo tade hiɔ, nɛ daa si ngɛ a kasa nya.

Ni Tsumi 12:7

Tlukaa a, Nyɔmtsɛ ɔ bɔfo ko ba da e kasa nya, nɛ la kpɛ ngɛ tsu ɔ mi. Bɔfo ɔ gba Petro konɔ ma nɛ e tsɛ̃ɛ̃ lɛ ke, “Tee si esɔ!” Amlɔ ɔ, kɔsɔkɔsɔ ɔmɛ kplɔ ngɛ e nine.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.