Luka 24:11 - BAIBLO ALOO NGMAMI KLƆUKLƆU Ɔ

¹¹ Bɔfo ɔmɛ ngɔ nɔ́ nɛ yi ɔmɛ ba de mɛ ɔ kaa nyazia, nɛ a he we yi. [

Somi He Ɔ

¹¹ Se kikɛmɛ a munyu nɛ ɔmɛ pee kaa nyazia ngɛ a tue mi, nɛ a he we yi.

Luka 24:11 ပူးပေါင်းရင်းမြစ်များ

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Hiob 9:16

Ke i tsɛ lɛ nɛ e he nɔ pohu, i he we yi kaa ke i tu munyu nɛ e maa bu mi tue.

La 126:1

Benɛ Yawɛ kpale wɔ kɛ je ma se kɛ ba Zion ekohu ɔ, e pee wɔ kaa pe wa ngɛ nlae.

Marko 16:11

Se mɛɛ lɛɛ benɛ a nu kaa Yesu hɛ ngɛ, nɛ Maria ke e na lɛ ɔ, a he we lɛ yi.

Marko 16:13

A kpale a se kɛ ho nɛ a ya de ni nɛmɛ nɛ piɛ ɔ; se a he we mɛ yi.

Marko 16:14

Pee se ɔ, Yesu je e he kpo tsɔɔ ni nyɔngma kɛ kake ɔmɛ nitsɛmɛ benɛ a hii si nɛ a ngɛ ní yee. E ka a hɛ mi, ejakaa nihi nɛ na lɛ benɛ e te si ɔ, a he we mɛ yi, nɛ a wa tue hulɔ.

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Luka 24:41

Bua jɔmi babauu nɛ a na, kɛ bɔ nɛ nɔ́ ɔ pee mɛ nyakpɛ he je ɔ, a he we yi kɛ mwɔɔ. Kɛkɛ nɛ Yesu bi mɛ ke, “Nyɛ ngɛ nɔ́ ko nɛ a yeɔ ngɛ hiɛ ɔ lo?”

Ni Tsumi 12:9

Petro nyɛɛ Mawu bɔfo ɔ se kɛ je kpo, se e li kaa nɔ́ nitsɛ nɛ ngɛ nɔ yae ɔ; e pee lɛ kaa nɔ́ nɛ nlami je e ngɛ.