Luka 23:54 - BAIBLO ALOO NGMAMI KLƆUKLƆU Ɔ

⁵⁴ Jamɛ a ligbi ɔ ji he dlami ligbi ɔ nɛ, nɛ Hejɔɔmi ligbi ɔ su ta.

Somi He Ɔ

⁵⁴ Nɛ lɛ ligbi ɔ Hedlami kɛ tomi ligbi ʼi, nɛ Hejɔɔmi Ligbi ɔ su ta.

Luka 23:54 ပူးပေါင်းရင်းမြစ်များ

Mateo 27:62

E nɔ jena Hejɔɔmi ligbi ɔ, osɔfo nikɔtɔma amɛ, kɛ Farisi bi ɔmɛ a nya ba bua ngɛ Pilato ngɔ.

Yohane 19:31

Enɛ ɔ se ɔ, Yuda ma nimeli ɔmɛ ya na Pilato kaa e ngmɛ mɛ blɔ nɛ a ku nihi nɛ a gbe ɔ a nanehi, nɛ a je mɛ kɛ je sɛumi tso ɔ nɔ. Jamɛ a ligbi ɔ nɛ a dlaa he kɛ haa Hetsɔmi ɔ, lɔ ɔ he ɔ, a sume nɛ gbogboe ɔmɛ nɛ a hi sɛumi tso nɔ kɛ yaa si Hejɔɔmi ligbi ɔ, ejakaa Hejɔɔmi ligbi nguaa nitsɛ lɛ ngɛ a hɛ mi.

Marko 15:42

He dlami ligbi nɛ nyɛɛ Hejɔɔmi ligbi ɔ hɛ mi ji jamɛ a ligbi ɔ nɛ. Gbɔkuɛ ɔ, Yosef nɛ je Arimatia pee kã nɛ e ya Pilato ngɔ ya bi lɛ Yesu gbogboe ɔ. Yosef nɛ ɔ, kpe ngua a mi no nɛ a buu saminya ji lɛ, nɛ lɛ nitsɛ hu e ngɛ Mawu matsɛ yemi ɔ blɔ hyɛe.

Yohane 19:42

Lɔ ɔ he ɔ, a ya to Yesu gbogboe ɔ ngɛ lejɛ ɔ, ejakaa yɔkɔ ɔ he kɛ we, nɛ jehanɛ ɔ hu, jamɛ a ligbi ɔ nɛ a dlaa he kɛ haa Hejɔɔmi ligbi ɔ nɛ.

Yohane 19:14

Jamɛ a ligbi ɔ nɛ a dlaa he kɛ toɔ Hetsɔmi ɔ nɛ; nɛ maa pee piani ngmlɛ nyɔngma kɛ enyɔ ɔ, Pilato de ma a ke, “Ne nyɛ matsɛ ɔ!”

Luka 23:53

E ya je gbogboe ɔ kɛ kple si, nɛ e ngɔ kploba ngɔ blaa lɛ, nɛ e ya to lɛ ngɛ yɔkɔ ko mi. Yɔkɔ nɛ ɔ, a kpɛ ngɛ tɛ sa mi, nɛ a tui nɔ ngɛ mi hyɛ.