Luka 23:50 - BAIBLO ALOO NGMAMI KLƆUKLƆU Ɔ

^50-51 Nyumu ko hi si. E biɛ ji Yosef, nɛ e je Yudea ma ko nɛ a tsɛɛ Arimatia a. Nɔmlɔ kpakpa, kɛ Mawu jalɔ ji lɛ. Daa nɛ ɔ, lɛɛ e ngɛ Mawu matsɛ yemi ɔ blɔ hyɛe. Kpe nguaa a mi no ji lɛ mohu, se yi mi nɛ a to, kɛ nɔ́ nɛ a pee ɔ, lɛɛ e kplɛɛ we.

Somi He Ɔ

⁵⁰ Nɛ oʼɛ, nyumu ko ngɛ nɛ a tsɛɛ lɛ Yosef, nɛ ji kpe ngua a mi nɔ, nɔmlɔ kpakpa kɛ dalɔ,

Luka 23:50 ပူးပေါင်းရင်းမြစ်များ

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Ni Tsumi 10:2

Mawu jalɔ ji lɛ, nɛ e kɛ e we ɔ tsuo yee Mawu gbeye. E peeɔ mami bi dɛgutsɛmɛ ɔmɛ kpakpa hulɔ, nɛ e kpaa Mawu pɛɛ daa.

Ni Tsumi 10:22

A he nɔ ke, “Asafoatsɛ Kornelio lɛ tsɔ wɔ. Nyumu nɛ ɔ yeɔ dami sane; e yee Mawu gbeye wawɛɛ, nɛ Yuda bi ɔmɛ tsuo tuɔ e he munyu kpakpa. Mawu bɔfo ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya mi munyu tue.”

Ni Tsumi 11:24

Barnaba a, nɔmlɔ kpakpa nɛ heɔ Mawu yeɔ saminya ji lɛ, nɛ Mumi Klɔuklɔu hyi lɛ tɔ. Enɛ ɔ ha nɛ a na nihi babauu kɛ ha Nyɔmtsɛ ɔ.

Ni Tsumi 13:29

Benɛ a pee nɔ́ tsuaa nɔ́ gbe nya kaa bɔ nɛ ngmami ɔ deɔ ngɛ e he ɔ, a je lɛ kɛ je tso ɔ nɔ, nɛ a ya to lɛ ngɛ yɔkɔ ko mi.