Luka 23:43 - BAIBLO ALOO NGMAMI KLƆUKLƆU Ɔ

⁴³ Yesu de lɛ ke, “I ngɛ mo si woe kaa mwɔnɛ ɔ, i kɛ mo maa hi Paradeiso.”

Somi He Ɔ

⁴³ Nɛ Yesu de lɛ ke: “Niinɛ, i ngɛ mo dee ke: Mwɔnɛ o kɛ mi maa hi Paradeiso!”

Luka 23:43 ပူးပေါင်းရင်းမြစ်များ

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Luka 23:42

Nɛ e de Yesu ke, “Yesu, ke o ba bɔni matsɛ yemi ɔ, kai mi!”

Yohane 14:3

Ke i ya nɛ i ya dla he ko kɛ to nyɛ se ɔ, ma kpale kɛ ba, nɛ ma ba ngɔ nyɛ kɛ ya hi imi nitsɛ ye ngɔ. Kɛkɛ ɔ, he nɛ i ngɛ ɔ, nyɛ hu nyɛɛ maa hi lejɛ ɔ.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

2 Korintobi 5:8

Wa nɔ gbagba te, nɛ wa na nɛ wa je wa nɔmlɔ tso ɔ mi, nɛ wa ho nɛ waa kɛ Nyɔmtsɛ Yesu ya hi si.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”