Luka 23:38 - BAIBLO ALOO NGMAMI KLƆUKLƆU Ɔ

³⁸ A ngma munyu ko ngɔ mɛtɛ e yi je ke, “Nɔ nɛ ɔ ji Yuda bi ɔmɛ a matsɛ ɔ nɛ.”

Somi He Ɔ

³⁸ Nɛ a ngma a he sane ko hu ngɛ e yi je ke: “Nɔ nɛ ɔ ji Yudafo ɔmɛ a matsɛ ɔ nɛ.”

Luka 23:38 ပူးပေါင်းရင်းမြစ်များ

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

Mateo 27:11

Yesu daa si ngɛ Roma amlaalo ɔ hɛ mi, nɛ amlaalo ɔ bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ.”

Mateo 27:37

A ngma sane nɛ tsɔɔ nɔ́ he je nɛ a ngɛ lɛ sɛue ɔ kɛ mɛtɛ e yi je ke, “Yesu, Yuda bi ɔmɛ a matsɛ ɔ ji nɛ ɔ nɛ.”

Marko 15:18

Kɛkɛ nɛ a bɔni lɛ ngami ke, “Yuda bi a matsɛ, manye oo, manye!”

Marko 15:26

nɛ a ngma sane nɛ a kɛ po e nya a kɛ mɛtɛ e yi je ke, “Yuda bi ɔmɛ a matsɛ ɔ.”

Marko 15:32

Ke lɛ ji Kristo, Israel matsɛ ɔ, e je sɛumi tso ɔ nɔ kɛ kple si nɛ waa na konɛ wa he ye!” Ni enyɔ ɔmɛ nɛ a sɛu ngɔ piɛ e he ɔ hu ye e he fɛu.

Luka 23:3

Pilato bi lɛ ke, “Anɛ mo ji Yuda bi ɔmɛ a matsɛ ɔ lo?” Yesu he nɔ ke, “Ja o deɔ nɛ.”

Yohane 19:3

nɛ a kplã si ngɛ e hɛ mi, nɛ a ye e he fɛu ke, “Yuda bi a matsɛ, manye oo manye!” Nɛ a gba e hɛ mi ma.