Luka 23:35 - BAIBLO ALOO NGMAMI KLƆUKLƆU Ɔ

³⁵ Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”

Somi He Ɔ

³⁵ Nɛ ma mi bi ɔmɛ daa si ngɛ hyɛe. Nɛ ma nikɔtɔma amɛ hu li lɛ de ke: “E heɔ ni kpahi a yi wami, ke lɛ ji Kristo nɔ nɛ Mawu hla a, ha nɛ e he lɛ nitsɛ e yi wami!”

Luka 23:35 ပူးပေါင်းရင်းမြစ်များ

La 22:17

Ye wuhi tsuo pɛpɛɛpɛ je kpo. Nimli yayami ɔmɛ muɔ a hɛngmɛ ngɔ pue ye nɔ, nɛ a ngɛ ye he fɛu yee.

La 35:15

Se benɛ haomi ba ye nɔ ɔ, a nya nɛ a bua a he nya, konɛ a ye ye he fɛu. He guɛ gbeli ba bɔle mi nɛ i li; a gbe ye he guɛ nɛ he jɔɔmi be mi.

La 4:2

Nyɛ nimli adesahi, mɛni be nyɛ ma pue ye hɛ mi si kɛ yaa si? Nyɛ suɔ níhi nɛ a he be se nami, nɛ lakpa munyuhi a se nyɛ dii. Kɛ yaa si mɛni be nɛ nyɛ maa hi enɛ ɔ pee?

La 69:26

Ejakaa nihi nɛ o gbla a tue ɔ, a waa mɛ yi mi; nihi nɛ o plaa mɛ ɔ, a pa amɛ a he ní a sɛɛɔ.

La 71:11

a deɔ ke, “Mawu je e se; waa fie lɛ nɛ waa nu lɛ, ejakaa nɔ ko nɔ ko be nɛ ma kpɔ lɛ ngɛ wa dɛ.”

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Kɔmɔ Yemi 3:14

I plɛ pee muɔ nɔ́ ha nihi tsuo. Be tsuaa be ɔ, imi ji a nya mi la nɛ a ngɛ lae.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mateo 12:18

“Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Luka 23:13

Pilato tsɛ osɔfo nikɔtɔma amɛ, ma nimeli ɔmɛ, kɛ ma a kɛ ba kpe,

Luka 23:39

Yayami peeli nɛ a sɛu ɔ, mɛ hu a ti nɔ kake fia Yesu lilɛ saminya. E de lɛ ke, “Pi mo ji Kristo ɔ? He mo nitsɛ o yi wami, konɛ o he wɔ hu wa yi wami!”

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.