Luka 23:34 - BAIBLO ALOO NGMAMI KLƆUKLƆU Ɔ

³⁴ Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Somi He Ɔ

³⁴ Nɛ Yesu de ke: “Tsaatsɛ kɛ pa mɛ, se a li nɔ́ nɛ a ngɛ pee ɔ.” Nɛ a fɔ̃ sɔ kɛ dla e tade ɔmɛ.

Luka 23:34 ပူးပေါင်းရင်းမြစ်များ

Mose I, 50:17

e ke wa de mo ke, ‘I kpa mo pɛɛ nɛ o kɛ o nyɛmimɛ ɔmɛ a yayami nɛ a pee mo ɔ ngɔ pa mɛ.’ Lɔ ɔ he ɔ, wa kpa mo pɛɛ nɛ o ngɔ wa yayami ɔ ngɔ pa wɔ; ejakaa wɔ hu o tsɛmɛ a Mawu ɔ lɛ wa jaa.” Benɛ a ya bɔ Yosef amaniɛ nɛ ɔ, e wo ya.

La 22:18

A dla ye tade ɔmɛ ngɔ ha a he, nɛ ye bo ɔ lɛɛ a fɔ nɔ sɔ.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 11:26

Ee, Tsaatsɛ, bɔ nɛ o suɔ kaa e ba mi ji nɛ ɔ nɛ.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

Marko 15:24

A sɛu lɛ, nɛ a fɔ e tade ɔmɛ a nɔ sɔ, nɛ a dla kɛ ha a he.

Luka 22:42

ke, “Tsaatsɛ, ke o suɔ ɔ, je nɔ́ nami kplu nɛ ɔ kɛ je ye blɔ mi. Se kɛ̃ ɔ, a ko pee nɔ́ nɛ imi i suɔ; se mohu a pee nɔ́ nɛ mo o suɔ.” [

Yohane 17:9

“I kpa we pɛɛ ha je ɔ; mohu ni nɛmɛ nɛ o ha mi ɔ, mɛ i ngɛ pɛɛ kpae ha; ejakaa o nihi ji mɛ.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Ni Tsumi 16:28

Se Paulo kpa ngmlaa wawɛɛ ke, “Koo ye o he awi; wɔ tsuo wa ngɛ hiɛ ɔ!”

Ni Tsumi 3:17

“Jehanɛ ye nyɛmimɛ, i le kaa nɔ́ nɛ nyɛɛ kɛ nyɛ hɛ mi nyɛɛli ɔmɛ pee Yesu ɔ, pe nyɛ li nɛ nyɛ pee.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Romabi 12:14

Nihi nɛ waa nyɛ yi mi ɔ, nyɛ kpa Mawu pɛɛ ha mɛ; nyɛ ko gbiɛ mɛ.

1 Korintobi 2:8

Je nɛ ɔ mi nɔ yeli ɔmɛ a ti nɔ ko nɔ ko li nile nɛ ɔ, a le jinɛ a ko sɛu we Nyɔmtsɛ Mawu nɛ hɛ mi ngɛ nyami ɔ.

1 Korintobi 4:12

Waa kɛ wa nine nguɛ nyɔngma tsuɔ ní. Ke nihi ngɛ wɔ jɛe ɔ, wɔɔ lɛɛ wa gbaa mɛ; ke a ngɛ wɔ yi mi wae ɔ, wa toɔ wa tsui si.

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.