Luka 23:25 - BAIBLO ALOO NGMAMI KLƆUKLƆU Ɔ

²⁵ E ngmɛɛ nɔ nɛ a ngɛ hlae ɔ he ha mɛ, nɔmlɔ nɛ a wo lɛ tsu kaa e tsɔ atuã, nɛ e gbe nɔmlɔ hulɔ ɔ. Se Yesu ɔ lɛɛ, e ngɔ lɛ ngɔ ha nɛ a ya sɛu lɛ kaa bɔ nɛ a ngɛ hlae nɛ e pee ɔ.

Somi He Ɔ

²⁵ Nɛ e ngmɛɛ nɔ nɛ atua tsɔmi kɛ awi yemi he nɛ a wo lɛ tsu mi nɛ a ngɛ hlae ɔ he; se Yesu ɔ lɛɛ, e ngɔ lɛ ngɔ ha ngɛ a hlami ɔ nya.

Luka 23:25 ပူးပေါင်းရင်းမြစ်များ

Ester 3:11

Matsɛ ɔ de Haman ke, “O sika a nɛ hi si. Jamɛ a ma a kɛ e mi bi ɔmɛ ngɛ o dɛ mi; pee mɛ bɔ nɛ sa o hɛ mi.”

Mateo 27:26

Kɛkɛ nɛ Pilato ngmɛɛ Baraba he ngɔ ha mɛ. Se Yesu ɔ lɛɛ e ha a fia lɛ kpa, nɛ lɔ ɔ se ɔ, e ngɔ lɛ ngɔ ha nɛ a ya sɛu lɛ.

Marko 15:15

Akɛnɛ Pilato ngɛ hlae nɛ e pee nɔ́ nɛ sa ma a hɛ mi he je ɔ, e ngmɛɛ Baraba he ha mɛ. Yesu ɔ lɛɛ e ha nɛ a fia lɛ kpa, nɛ e ngɔ lɛ ha a ya sɛu lɛ.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Luka 23:24

Lɔ ɔ he ɔ, Pilato bu Yesu gbenɔ fɔ kaa bɔ nɛ ni ɔmɛ ngɛ hlae ɔ.

Luka 23:26

Benɛ Roma ta buli ɔmɛ ngɔ Yesu kɛ yaa a, a kɛ Kirene no ko kpe nɛ je ngmɔ si kɛ ma ma a mi. E biɛ ji Simon. A nu lɛ, nɛ a wo sɛumi tso ɔ ngɔ tloo lɛ, nɛ e kɛ nyɛɛ Yesu se.

Luka 23:5

Se a nya sɔ wo e he, nɛ a de ke, “E ngɔ e ní tsɔɔmi ɔ kɛ ngɛ ma mi bi ɔmɛ a tue puɛe ngɛ Yudea tsuo. E je sisi kɛ je Galilea, nɛ amlɔ nɛ ɔ, e ba su hiɛ ɔ.”

Yohane 18:40

A he nɔ kɛ ngmlaa ke, “Dɛbi! Pi nɔ nɛ ɔ; ngmɛɛ Baraba mohu he ha wɔ.” Kpahu Baraba a, ojo fialɔ ji lɛ.

Yohane 19:16

Kɛkɛ nɛ Pilato ngɔ Yesu kɛ ha mɛ nɛ a ya sɛu lɛ. A ngɔ Yesu kɛ ho,

Ni Tsumi 3:14

Nyɛɛ lɛɛ nyɛ kua nɔ klɔuklɔu ɔ nɛ dami sane pɛ e yeɔ ɔ, nɛ nyɛ kpa pɛɛ ke a ngmɛɛ awi yelɔ mohu he ngɔ ha nyɛ.

Samuel I, 12:13

“Lɔ ɔ he ɔ, ne matsɛ ɔ nɛ nyɛ hla a; nyɛ bi ke a ha nyɛ matsɛ, nɛ Yawɛ ngɔ lɛ ngɔ ha nyɛ.