Luka 23:2 - BAIBLO ALOO NGMAMI KLƆUKLƆU Ɔ

² Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Somi He Ɔ

² Nɛ a bɔni e nya pomi ke: “Wa na nyumu nɛ ɔ nɛ e ngɛ wa ma a yi puɛe nɛ e ngɛ onia tsumi kɛ Kaisare hami gue, nɛ e ngɛ dee ke lɛ nitsɛ ji Kristo, matsɛ ɔ nɛ.”

Luka 23:2 ပူးပေါင်းရင်းမြစ်များ

Matsɛmɛ I, 18:17

Benɛ Ahab na lɛ ɔ, e bi ke, “Mo, Israel nya doolɔ ɔ ji nɛ ɔ?”

La 35:11

Lakpa odasehi teɔ si kɛ woɔ mi; a poɔ ye nya, nɛ a deɔ níhi nɛ i li he nɔ́ ko kɛ siɔ mi.

La 62:4

E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 38:4

Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Amos 7:10

Osɔfo ko nɛ a tsɛɛ lɛ Amazia hi Mawu we ɔ ngɛ Betel. Ligbi ko ɔ, e tsɔ ya de Israel matsɛ, Yeroboam ke, “Amos ngɛ yi mi yaya toe kɛ wo o he ngɛ mo nitsɛ o nɔ yemi he ɔ. Munyuhi nɛ e ngɛ tue ɔ ma ha nɛ ma mi bi ɔmɛ maa te si kɛ wo mo, a matsɛ ɔ. Ke e ba mi ja a, kɛkɛ pe ma a ywia a nɛ.

Zakaria 11:8

Nyɔhiɔ kake mi ɔ, to hyɛli etɛ komɛ nɛ sume mi ɔ, i ngmɛɛ a he, ejakaa a sane ba gbe ye nya.

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”

Mateo 22:21

A he nɔ ke, “Kaisare ɔ.” Yesu de mɛ ke, “Lɛɛ nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.”

Mateo 27:11

Yesu daa si ngɛ Roma amlaalo ɔ hɛ mi, nɛ amlaalo ɔ bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ.”

Marko 12:17

Yesu he nɔ ke, “Nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.” Nɛ Yesu he pee mɛ nyakpɛ wawɛɛ nitsɛ.

Marko 15:2

Pilato bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ!”

Luka 23:14

nɛ e de mɛ ke, “Nyɛɛ kɛ nyumu nɛ ɔ ba ye ngɔ, nɛ nyɛ ba po e nya ke e ngɛ ma mi bi ɔmɛ a tue puɛe. Amlɔ nɛ ɔ, i hla e sane ɔ mi ngɛ nyɛ hɛ mi, se i nɛ kaa e yeɔ fɔ ngɛ sanehi nɛ nyɛ kɛ ba po e nya a ekoeko mi.

Luka 23:5

Se a nya sɔ wo e he, nɛ a de ke, “E ngɔ e ní tsɔɔmi ɔ kɛ ngɛ ma mi bi ɔmɛ a tue puɛe ngɛ Yudea tsuo. E je sisi kɛ je Galilea, nɛ amlɔ nɛ ɔ, e ba su hiɛ ɔ.”

Yohane 18:29

Lɔ ɔ he ɔ, Pilato je kpo kɛ ba a ngɔ, nɛ e bi mɛ ke, “Mɛni sane nyɛ kɛ ba ngɛ nyumu nɛ ɔ nya poe ɔ?”

Yohane 18:30

A he nɔ ke, “E pee we yayami ko jinɛ waa kɛ lɛ ba be mo hae.”

Yohane 19:12

Kɛ je enɛ ɔ se ɔ, Pilato hla kaa e maa ngmɛɛ Yesu he. Se Yuda bi ɔmɛ kpa ngmlaa ke, “Ke o ngmɛɛ e he ɔ, o pi Kaisare ɔ huɛ. Nɔ tsuaa nɔ nɛ peeɔ e he matsɛ ɔ, Kaisare ɔ e te si ngɔ si ɔ nɛ.”

Ni Tsumi 24:13

Jehanɛ hu, sanehi nɛ a kɛ fɔ ye nɔ nɛ ɔ, a be nya nyɛe maa tsɔɔ kaa a ngɛ mi.

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

Romabi 13:7

Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.