Luka 23:14 - BAIBLO ALOO NGMAMI KLƆUKLƆU Ɔ

¹⁴ nɛ e de mɛ ke, “Nyɛɛ kɛ nyumu nɛ ɔ ba ye ngɔ, nɛ nyɛ ba po e nya ke e ngɛ ma mi bi ɔmɛ a tue puɛe. Amlɔ nɛ ɔ, i hla e sane ɔ mi ngɛ nyɛ hɛ mi, se i nɛ kaa e yeɔ fɔ ngɛ sanehi nɛ nyɛ kɛ ba po e nya a ekoeko mi.

Somi He Ɔ

¹⁴ nɛ e de mɛ ke: “Nyɛɛ kɛ kikɛmɛ a nyumu nɛ ɔ ba ha mi ke e ngɛ ma a yi puɛe, nɛ oʼɛ, i hla e sane ɔ mi ngɛ nyɛ hɛ mi, se i nɛ fɔ bumi sane ko ngɛ e he ngɛ sanehi nɛ nyɛɛ kɛ ba po e nya a eko eko mi.

Luka 23:14 ပူးပေါင်းရင်းမြစ်များ

Daniel 6:4

Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Ni Tsumi 13:28

A nɛ́ sane ko ngɛ e he nɛ sa kaa a da nɔ kɛ bu lɛ gbenɔ fɔ lɛɛ, se kɛ̃ ɔ, a kpa Pilato pɛɛ ke e ha nɛ a gbe lɛ.

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.