Luka 22:63 - BAIBLO ALOO NGMAMI KLƆUKLƆU Ɔ

⁶³ Nihi nɛ ngɛ Yesu he bue ɔ ye e he fɛu, nɛ a fia lɛ ní.

Somi He Ɔ

⁶³ Nihi nɛ hɛɛ Yesu mi ɔ ye e he fɛu, nɛ a fia lɛ ni.

Luka 22:63 ပူးပေါင်းရင်းမြစ်များ

La 22:13

A gbɛɔ a nya mi hatoo kɛ woɔ mi kaa jata nɛ ngɛ huãe nɛ e hɛ mi pee klamaklama.

La 35:25

Ko ha nɛ a de ke, “Ɛhɛɛ, wa nine gbe lɛ! Nɔ́ nɛ wa ngɛ hlae ɔ pɛ ji nɛ ɔ nɛ!”

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Luka 22:62

Kɛkɛ nɛ Petro je kpo, nɛ e ya fo ya wawɛɛ nitsɛ.

Yohane 18:19

Jehanɛ osɔfo nɔkɔtɔma pe kulaa a bi Yesu e kaseli ɔmɛ, kɛ e tsɔɔmi ɔ he sane.

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.