Luka 22:62 - BAIBLO ALOO NGMAMI KLƆUKLƆU Ɔ

⁶² Kɛkɛ nɛ Petro je kpo, nɛ e ya fo ya wawɛɛ nitsɛ.

Somi He Ɔ

⁶² Nɛ Petro je kpo, nɛ e ya fo ya wawɛɛ.

Luka 22:62 ပူးပေါင်းရင်းမြစ်များ

La 38:18

I ngɛ jajee kaa i pee yayami; ye he yayami ɔmɛ ngɛ mi dɔe.

Yeremia 31:18

“I nu nɛ Israel ma a ngɛ kɔmɔ yee ke, ‘Yawɛ, jinɛ wa ngɛ kaa lohwe nɛ hɛ mi jɔɛ; se o tsɔse wɔ nɛ wa he jɔ. Moo kpale wɔ kɛ ba o ngɔ ekohu, ejakaa mo ji Yawɛ, wa Mawu ɔ nɛ.

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Marko 14:72

Amlɔ ɔ, kungwɔ kpa nɔ́ si enyɔne; nɛ Petro kai munyu nɛ Yesu de lɛ ke, “Kungwɔ be nɔ kpae si enyɔ nɛ o ma de si etɛ ke o li mi” ɔ. Benɛ Petro kai nɔ́ nɛ ɔ, e hao, kɛkɛ nɛ e wo ya.

Luka 22:61

Nyɔmtsɛ ɔ plɛ e he nɛ e hyɛ Petro. Nɛ Petro kai kaa Nyɔmtsɛ ɔ de lɛ be ko ke, “Loko kungwɔ ma kpa nɔ nyɔ nɛ ɔ mi ɔ, o ma de si etɛ ke o li mi.”

Luka 22:63

Nihi nɛ ngɛ Yesu he bue ɔ ye e he fɛu, nɛ a fia lɛ ní.

1 Korintobi 10:12

Lɔ ɔ he ɔ, nɔ nɛ susuɔ kaa e daa si ɔ, e hyɛ e he nɛ hi, konɛ e ko nɔ si.