Luka 22:53 - BAIBLO ALOO NGMAMI KLƆUKLƆU Ɔ

⁵³ Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Somi He Ɔ

⁵³ Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

Luka 22:53 ပူးပေါင်းရင်းမြစ်များ

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Luka 22:52

Jehanɛ ɔ, Yesu de osɔfo nikɔtɔma amɛ, kɛ sɔlemi we ɔ asafoatsɛmɛ ɔmɛ, kɛ ma nimeli ɔmɛ ke, “Anɛ e hia kaa nyɛɛ ngɔ klaate, kɛ okpoti kɛ ba hiɛ ɔ? Ojo fialɔ ji mi?

Luka 22:54

A nu Yesu, nɛ a ngɔ lɛ kɛ ho osɔfo nɔkɔtɔma pe kulaa a we mi ya; nɛ Petro nyɛɛ se ngɛ lokoo.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yohane 13:30

Yuda sɔle abolo popoe ɔ, nɛ e je kpo amlɔ nɔuu. Jamɛ a be ɔ, je jɔ.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 7:30

Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Yohane 7:45

Benɛ tsɔli ɔmɛ kpale kɛ ba a, osɔfo nikɔtɔma amɛ, kɛ Farisi bi ɔmɛ bi mɛ ke, “Mɛni he je nyɛɛ kɛ lɛ bɛ ɔ?”

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.