Luka 22:44 - BAIBLO ALOO NGMAMI KLƆUKLƆU Ɔ

⁴⁴ E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Somi He Ɔ

⁴⁴ Nɛ benɛ e he ngɛ lɛ hiae ɔ, e ha e sɔlemi ɔ mi wa. Nɛ e he latsa plɛ kaa muɔloku nɛ ngɛ tslee kɛ ngɛ si puee.]

Luka 22:44 ပူးပေါင်းရင်းမြစ်များ

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Luka 22:45

Benɛ e sɔle ta, nɛ e kpale e se kɛ ba kaseli ɔmɛ a ngɔ ɔ, e na mɛ nɛ aywilɛho nu mɛ, nɛ a hwɔ mahe.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.