Luka 22:42 - BAIBLO ALOO NGMAMI KLƆUKLƆU Ɔ

⁴² ke, “Tsaatsɛ, ke o suɔ ɔ, je nɔ́ nami kplu nɛ ɔ kɛ je ye blɔ mi. Se kɛ̃ ɔ, a ko pee nɔ́ nɛ imi i suɔ; se mohu a pee nɔ́ nɛ mo o suɔ.” [

Somi He Ɔ

⁴² ke: “Tsaatsɛ, ke o suɔ ɔ, je kplu nɛ ɔ kɛ je ye nɔ! Se kɛ̃ ɔ pi bɔ nɛ i suɔ, se mohu bɔ nɛ mo o suɔ.” [

Luka 22:42 ပူးပေါင်းရင်းမြစ်များ

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

Mateo 26:42

Yesu pue nɔ kɛ ho si enyɔne, nɛ e ya sɔle ke, “Tsaatsɛ, ke a be amanehlu kplu nɛ ɔ jee kɛ je ye he kɛ ya se, nɛ ja i nu ɔ, lɛɛ a pee bɔ nɛ o suɔ.”

Marko 14:36

E de ke, “Tsaatsɛ! O nyɛɔ níhi tsuo peeɔ! I kpa mo pɛɛ, je amanehlu kplu nɛ ɔ kɛ ho; se kɛ̃ ɔ, pi bɔ nɛ i suɔ, se bɔ nɛ mo o suɔ.”

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Yohane 18:11

Yesu de Petro ke, “Ngɔɔ o klaate ɔ kɛ wo e kpo ɔ mi. Amanehlu kplu nɛ Tsaatsɛ to kaa ma nu ɔ, ma ko nu lo?”

Mateo 20:22

Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”

Yohane 5:30

“I be he blɔ nɛ i peeɔ imi nitsɛ ye yi mi nɔ́ ko. Bɔ nɛ Mawu tsɔɔ mi ke ma kojo ɔ, jã pɛ i peeɔ; lɔ ɔ he ɔ, i yeɔ dami sane. Ejakaa i hla we kaa ma pee nɔ́ nɛ imi nitsɛ i suɔ, se mohu Tsaatsɛ nɛ tsɔ mi ɔ suɔmi nya ní i peeɔ.

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yesaya 51:22

Nyɔmtsɛ Yawɛ, o Mawu ɔ nɛ faa e ma a he ɔ, bɔ nɛ e ngɛ dee ji nɛ ɔ nɛ: “Kplu nɛ i ngɔ ha mo ngɛ abofu nya a, i ngɛ hee ngɛ o dɛ. O be dã a nue hu konɛ o ko tataa si kaa dã tɔlɔ hu.

Mateo 26:44

Yesu si mɛ ekohu, nɛ e ho ya sɔle si etɛne, nɛ e tu jamɛ a munyu ɔ nɔuu.

Yeremia 25:15

Yawɛ, Israel Mawu ɔ de mi ke, “O nɛ wai kplu nɛ ye mi mi la hyi lɛ tɔ. Ngɔɔ kɛ ya ha je mahi tsuo nɛ ma tsɔ mo a ngɔ ɔ nɛ a nu.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Mateo 6:10

O Matsɛ yemi ɔ nɛ ba; a pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 11:26

Ee, Tsaatsɛ, bɔ nɛ o suɔ kaa e ba mi ji nɛ ɔ nɛ.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Ni Tsumi 21:14

Wa nyɛ we nɛ wa tsake e yi mi tomi ɔ; lɔ ɔ he ɔ, nɔ́ nɛ wa nyɛ de kɛkɛ ji, “A pee nɔ́ nɛ Nyɔmtsɛ ɔ suɔ.”