Luka 22:34 - BAIBLO ALOO NGMAMI KLƆUKLƆU Ɔ

³⁴ Yesu de lɛ ke, “Petro, i ngɛ mo dee ke, kungwɔ be nɔ́ kpae nyɔ nɛ ɔ mi, nɛ o ma de si etɛ ke o li mi.”

Somi He Ɔ

³⁴ Nɛ Yesu ke: “Petro, i ngɛ mo de ke mwɔnɛ kungwɔ be nɔ kpae, nɛ o ma kua si etɛ ke o li mi.”

Luka 22:34 ပူးပေါင်းရင်းမြစ်များ

Mateo 26:34

Yesu de Petro ke, “Niinɛ, i ngɛ mo dee ke, nyɔ nɛ ɔ mi ɔ, loko kungwɔ ma kpa nɔ́ ɔ, o ma de si etɛ ke o li mi.”

Mateo 26:74

Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Marko 14:30

Yesu de lɛ ke, “I ngɛ mo dee anɔkuale mi ke, mwɔnɛ ɔ nyɔ mi kungwɔ be nɔ kpae si enyɔ nɛ o ma de si etɛ ke o li mi.”

Luka 22:33

Petro de lɛ ke, “Nyɔmtsɛ, i dla ye he ngɔ to nɛ ke tsu mi oo, gbenɔ mi oo, i kɛ mo maa ya!”

Luka 22:35

Enɛ ɔ se ɔ, Yesu bi e kaseli ɔmɛ ke, “Be ko benɛ i tsɔ nyɛ, nɛ nyɛɛ hɛɛ we sika kpɛɛ, loo kotoku, loo tokota a, anɛ nɔ́ ko hia nyɛ lo?” A he nɔ ke, “Nɔ́ ko nɔ́ ko hia we wɔ.”

Luka 22:61

Nyɔmtsɛ ɔ plɛ e he nɛ e hyɛ Petro. Nɛ Petro kai kaa Nyɔmtsɛ ɔ de lɛ be ko ke, “Loko kungwɔ ma kpa nɔ nyɔ nɛ ɔ mi ɔ, o ma de si etɛ ke o li mi.”

Yohane 13:38

Yesu he nɔ ke, “Ei! O ma gbo ngɛ imi ye he? I ngɛ mo dee anɔkuale mi ke, loko kungwɔ ma kpa nɔ hwɔɔ ɔ, o ma de si etɛ ke o li mi.”

Yohane 18:27

Se loloolo ɔ, Petro kplɛɛ we, kɛkɛ nɛ amlɔ nɔuu kungwɔ kpa nɔ.