Luka 22:3 - BAIBLO ALOO NGMAMI KLƆUKLƆU Ɔ

³ Abosiami ba sɛ ni nyɔngma kɛ enyɔ ɔmɛ a ti nɔ kake nɛ a tsɛɛ Yuda a mi. Yuda biɛ kpa ji Iskariot.

Somi He Ɔ

³ Kɛkɛ nɛ Abosiami ya sɛ Yuda, nɔ nɛ a tsɛɛ lɛ Iskariot nɛ ji ni nyɔngma kɛ enyɔ ɔmɛ a kpɛti nɔ kake ɔ mi.

Luka 22:3 ပူးပေါင်းရင်းမြစ်များ

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Luka 22:21

“Se hyɛ! Nɔ nɛ maa tsɔɔ ye se blɔ ɔ kɛ mi ngɛ ní yee ngɛ hiɛ ɔ!

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

Yohane 12:6

Se enɛ ɔ nɛ e de ɔ, pi kaa ohiatsɛmɛ ɔmɛ a he nɔ́ nɛ ngɛ lɛ dɔe. Mohu julɔ ji lɛ; nɛ akɛnɛ sika kpɛɛ ɔ ngɛ e dɛ ɔ, ke pee ɔ, e juɔ nɔ́ nɛ a ngɔ woɔ mi ɔ eko.

Luka 6:16

Yuda, Yakobo nyɛmi ɔ, kɛ Yuda Iskariot, nɔ nɛ ba tsɔɔ Yesu se blɔ ɔ.

Mateo 26:23

Yesu he nɔ ke, “Nɔ nɛ maa tsɔɔ ye se blɔ ɔ, e kɛ mi ngɛ ní yee ngɛ kaa nɛ ɔ mi.

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Mateo 10:4

Simon (ma he doolɔ ɔ), kɛ Yuda Iskariot, nɔ nɛ ba tsɔɔ Yesu se blɔ ɔ.