Luka 22:29 - BAIBLO ALOO NGMAMI KLƆUKLƆU Ɔ

²⁹ Lɔ ɔ he ɔ, he wami nɛ Tsaatsɛ ha mi nɛ ma kɛ ye e ma a nɔ ɔ, imi hu i ngɛ nyɛ jamɛ a he wami ɔ hae.

Somi He Ɔ

²⁹ nɛ imi hu i ngɛ matsɛ yemi toe ha nyɛ kaa bɔ nɛ Tsaatsɛ to ha mi ɔ,

Luka 22:29 ပူးပေါင်းရင်းမြစ်များ

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Mateo 24:47

Niinɛ, i ngɛ nyɛ dee ke, nyɔmtsɛ ɔ maa ngɔ tsɔlɔ nɛ ɔ ngɔ pee e weto ní tsuo nɔ hyɛlɔ.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Luka 19:17

E de lɛ ke, Ayekoo! Tsɔlɔ kpakpa ji mo! O ye anɔkuale ngɛ nɔ́ nyafii mi, lɔ ɔ he ɔ, o maa ye ma nyɔngma nɔ́.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

1 Korintobi 9:25

Nihi nɛ kaa a kpɔhi a mi ɔ, a hɛ mi kaa si be tsuaa be, bɔ nɛ pee nɛ a ná jlasi nɛ puɛɔ. Se wɔɔ lɛɛ wa peeɔ jã, konɛ wa nine nɛ su jlasi nɛ puɛ we gblegbleegble ɔ nɔ.

2 Korintobi 1:7

Wa ngɔ wa hɛ ngɔ fɔ nyɛ nɔ wawɛɛ, ejakaa wa le kaa nɛ nyɛ ngɛ nɔ́ nae kaa wɔ nɛ ɔ, jã kɛ̃ lɛ a maa wo nyɛ bua kaa wɔ.

Kpojemi 21:14

Gbogbo nɛ bɔle ma a kɛ kpe ɔ, a fia ngɔ fɔ sisi tomi tɛ nyɔngma kɛ enyɔ nɔ, nɛ a ngma To bi ɔ bɔfo nyɔngma kɛ enyɔ ɔmɛ a biɛ ngɛ a nɔ.

Mateo 5:3

“A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Mateo 5:10

“A gbaa ni nɛmɛ nɛ peeɔ nɔ́ nɛ da, nɛ a waa mɛ yi mi ngɛ lɔ ɔ he, ejakaa a nɔ́ ji hiɔwe matsɛ yemi ɔ nɛ.

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’