Luka 22:16 - BAIBLO ALOO NGMAMI KLƆUKLƆU Ɔ

¹⁶ Ejakaa i ngɛ nyɛ dee ke, i be eko yee hu kɛ yaa si Mawu matsɛ yemi ɔ maa ba, nɛ́ nɔ nɛ Hetsɔmi niye ní ɔ tsɔɔ ɔ maa je kpo paa.”

Somi He Ɔ

¹⁶ ejakaa i ngɛ nyɛ dee ke: I be eko yee hu kɛ yaa su be nɛ e maa ba mi ngɛ Mawu matsɛ yemi ɔ mi.”

Luka 22:16 ပူးပေါင်းရင်းမြစ်များ

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Luka 14:15

Benɛ nihi nɛ kɛ Yesu hii si ngɛ okplɔɔ ɔ he ɔ a ti nɔ kake nu enɛ ɔ, e de Yesu ke, “Nihi nɛ maa ye ní ngɛ Mawu matsɛ yemi ɔ mi ɔ, a gbaa mɛ pɛ!”

Luka 22:15

E de mɛ ke, “I kɛ he hiami hyɛ blɔ wawɛɛ kaa i kɛ nyɛ maa ye Hetsɔmi niye ní nɛ ɔ loko ma na amanehlu!

Luka 22:18

I ngɛ nyɛ dee ke, enɛ ɔ se ɔ, i be wai nɛ ɔ nue hu kɛ yaa si Mawu matsɛ yemi ɔ maa ba.”

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Ni Tsumi 10:41

wɔ nihi nɛ Mawu hla ngɔ to momo kaa odase yeli ɔ, se pi nɔ tsuaa nɔ. Wɔ ji ni nɛmɛ nɛ e kɛ wɔ ye ní nɛ wa nu ní, benɛ e te si kɛ je gbeje se ɔ.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”