Luka 21:25 - BAIBLO ALOO NGMAMI KLƆUKLƆU Ɔ

²⁵ “Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Somi He Ɔ

²⁵ “Okadihi maa ba pu kɛ nyɔhiɔ kɛ dodoehi a mi, nɛ fimi maa ba majeli ɔmɛ a nɔ ngɛ zugba a nɔ, nɛ a maa do yoyooyo ngɛ wo kɛ oslɔkehi a pɛmi he;

Luka 21:25 ပူးပေါင်းရင်းမြစ်များ

La 46:3

Ke wo ɔ gli, nɛ oslɔke ɔmɛ ku kɛ ngmlaa hoo, nɛ e ha yo ɔmɛ mimiɛ po, wa be gbeye yee.

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yesaya 17:12

Je mahi nɛ a he wa ngɛ hoo pee kaa wo nɛ gli, nɛ oslɔke nguaa amɛ ngɛ kue bum bum kɛ ngɛ si puee.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Yesaya 51:15

“Imi ji Yawɛ, o Mawu ɔ nɛ. Imi nɛ i haa wo gliɔ, nɛ oslɔke ɔmɛ peeɔ hoo. Yawɛ Tabohiatsɛ ji ye biɛ!

Yeremia 4:23

I hyɛ zugba a nɔ, nɛ zugba a fɔɔ si gu nɛ nɔ́ ko nɔ́ ko be nɔ. I hyɛ hiɔwe, nɛ la ko la ko be lejɛ ɔ.

Daniel 12:1

Bɔfo ɔ nɛ wo kploba tade ɔ de ke, “Jamɛ a be ɔ mi ɔ, Mikael maa ba. Lɛ ji ganɔ ngua a nɛ buu o ma a he ɔ nɛ. Jehanɛ, haomi nɛ a nɛ eko hyɛ kɛ je be nɛ je ma amɛ bɔ ade ɔ maa ba. Ke jamɛ a be ɔ su ɔ, o ma mi bi ɔmɛ tsuo nɛ a ngma a biɛ kɛ wo Mawu womi ɔ mi ɔ, a ma he a yi wami.

Mika 7:4

A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Marko 13:24

“He hiami nɛ ɔ se ɔ, pu maa tsɔ diblii, nɛ nyɔhiɔ hu be kpɛe.

Marko 13:26

Kɛkɛ ɔ, a maa na Nɔmlɔ Bi ɔ kaa e ma ngɛ bɔku mi kɛ he wami nguaa, kɛ hɛ mi nyami.

Marko 15:33

Diblii wo ngɛ zugba a tsuo nɔ kɛ je piani ngmlɛ nyɔngma kɛ enyɔ kɛ ya si ngmlɛ etɛ.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Luka 21:26

Níhi nɛ ma je ɔ mi ɔ maa wo nihi a he gbeye, nɛ a maa hɛli, ejakaa he wamihi nɛ ngɛ hiɔwe ɔ, a maa fie mɛ kɛ je a blɔ hehi.

Ni Tsumi 2:19

Ma pee nyakpɛ níhi ngɛ hiɔwe, kɛ okadihi ngɛ zugba a nɔ. Muɔ, kɛ la, kɛ la su ku maa ba.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.