Luka 21:23 - BAIBLO ALOO NGMAMI KLƆUKLƆU Ɔ

²³ Yihi nɛ maa hɛɛ mi, kɛ ni nɛmɛ nɛ maa hi nyɔ hae jamɛ a be ɔ, kusiɛ ha mɛ! Fimi nɛ nya wa maa ba zugba a nɔ, nɛ Mawu mi mi ma fu kikɛmɛ a ma a.

Somi He Ɔ

²³ Musu tloo yihi nɛ hɛɛ mi kɛ nyɛmɛ nɛ ngɛ nyɔ hae ngɛ jamɛ a ligbi ɔmɛ a mi ɔ. Ejakaa fimi nɛ nya wa maa ba zugba a nɔ, nɛ mi mi fumi hu maa ba kikɛmɛ a ma nɛ ɔ nɔ.

Luka 21:23 ပူးပေါင်းရင်းမြစ်များ

Kɔmɔ Yemi 4:10

Ye ma a hɛ mi kpatami ɔ ngɛ gbeye. Binyɛmɛ nɛ suɔ a bimɛ kaa nɔ́ ko po, hoo mɛ nitsɛmɛ a bimɛ kaa niye ní nɛ a ye.

Daniel 8:19

E de mi ke, “Ke Mawu mi mi fu ɔ, nɔ́ nɛ maa nyɛɛ se ɔ, lɔ ɔ ma tsɔɔ mo nɛ ɔ nɛ. Nina a kɔɔ nyagbe be ɔ he.

Mateo 21:16

nɛ a bi lɛ ke, “Nɔ́ nɛ ni ɔmɛ ngɛ dee ɔ, o ngɛ nue?” Yesu he nɔ ke, “Ee, i ngɛ nue! Anɛ nyɛ kane we ngmami nɛ ɔ hyɛ lo? Ngmami ɔ ke, ‘O dla bimwɔwi, kɛ nyɔ nya bimɛ kɛ to konɛ a la la ngɔngɔɛ kɛ je o yi.’ ”

Mateo 21:41

A he nɔ ke, “E ma kpata jamɛ a nimli yayami ɔmɛ a hɛ mi butuu, nɛ e maa ngɔ wai ngmɔ ɔ ngɔ ha apaa yeli kpahi, nihi nɛ maa ngɔ wai yiblii ba ha lɛ ngɛ be nɛ sa mi.”

Mateo 21:44

Nɔ tsuaa nɔ nɛ maa nɔ tɛ nɛ ɔ nɔ ɔ, e mi ma tsɔtslɔɔ; se nɔ nɛ tɛ ɔ maa nɔ e nɔ ɔ, e maa gblɛ lɛ mɔnyɔmɔnyɔ.]

Mateo 24:19

Jamɛ a be ɔ, yihi nɛ maa hɛɛ hɔ, kɛ ni nɛmɛ nɛ maa hi bi nyɔ hae ɔ, due ha mɛ!

Marko 13:17

Yihi nɛ hɛɛ muklii, kɛ ni nɛmɛ nɛ ngɛ nyɔ hae ngɛ jamɛ a be ɔ mi ɔ, a ní maa pee mɔbɔ wawɛɛ nitsɛ.

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Luka 23:29

Ejakaa be ma nɛ a ma de ke, ‘Yosahi, kɛ yihi nɛ a mi mi wui ngma, kɛ ni nɛmɛ nɛ ha we nyɔ hyɛ ɔ, a he ngɛ ní pɛ!’

1 Korintobi 7:26

Amlɔ nɛ ɔ, he hiami be ɔ je sisi momo. Lɔ ɔ he ɔ, i susuu kaa mo nɔ, bɔ nɛ o ngɛ ɔ, o hi si jã kɛkɛ.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!