Luka 21:21 - BAIBLO ALOO NGMAMI KLƆUKLƆU Ɔ

²¹ Jamɛ a be ɔ, nihi nɛ ngɛ Yudea a, a tu fo kɛ ya yo ɔmɛ a nɔ; nihi nɛ ngɛ ma a mi ɔ, a je, nɛ nihi nɛ ngɛ ngmɔ si ɔ, a ko ba ma a mi.

Somi He Ɔ

²¹ Jamɛ a be ɔ mi ɔ, nihi nɛ ngɛ Yudea a, a tu fo kɛ ya yoku ɔmɛ a nɔ, nɛ nihi nɛ ngɛ ma a mi ɔ, a je kpo nɛ nihi nɛ ngɛ kɔpe ɔmɛ a mi ɔ, a ko ba ma a mi.

Luka 21:21 ပူးပေါင်းရင်းမြစ်များ

Mose I, 19:17

Lɔ ɔ se ɔ, bɔfo ɔmɛ a ti nɔ kake de ke, “Nyɛɛ tu fo esɔesɔ nɛ nyɛ kɛ he nyɛ yi wami! Nyɛ ko plɛ nyɛ se, nɛ nyɛ ko da si ngɛ kɔ̃ ɔ mi he ko he ko. Nyɛɛ tu fo kɛ ho yoku ɔmɛ a nɔ ya, bɔ nɛ pee nɛ nyɛ hɛ mi ko kpata.”

Mose I, 19:26

Se Lot yo ɔ plɛ hyɛ e se, nɛ e plɛ pee ngo kpɔ.

Abɛ Womi 22:3

Nɔmlɔ nɛ le nɔ́ ɔ, ke e na haomi nɛ ma a, e tuu nya fo, nɛ e ya laa e he. Nɔ nɛ be juɛmi ɔ, lɛɛ e kɛ e he ya woɔ haomi mi, nɛ e naa nɔ́.

Yeremia 35:11

Se benɛ Matsɛ Nebukadnezar ba tua zugba a, wa ya ye Babilonia kɛ Siria bi ɔmɛ a tabo ɔmɛ gbeye, nɛ wa pee wa yi mi kaa wa maa tu fo kɛ je a nya kɛ ba Yerusalem. Enɛ ɔ he je lɛ wa ba ngɛ Yerusalem ɔ nɛ.”

Yeremia 37:12

jamɛ a be ɔ, imi hu i je Yerusalem kɛ yaa Benyamin zugba a nɔ, konɛ weku weto ní ɔ nɛ ngɛ lejɛ ɔ, ma ya ngɔ ye blɔ fa mi nɔ́.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Mose IV, 16:26

E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

Mateo 2:1

Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Mateo 24:16

Kɛkɛ ɔ, ni nɛmɛ nɛ ngɛ Yudea a, a tu fo kɛ ya yo ɔmɛ a nɔ.

Marko 13:15

Nɔ nɛ ngɛ tsu yi mi ɔ kó kple si, aloo ya sɛ we ɔ mi kaa e maa ngɔ nɔ́ ko kɛ to dɛ.

Kpojemi 18:4

Kɛkɛ nɛ i nu gbi kpa nɛ tu munyu kɛ je hiɔwe ke, “Ye ma! Nyɛɛ je kpo ngɛ e mi oo, nyɛɛ je ma a mi! Nyɛ ko ya piɛ ma mi bi ɔmɛ a he kɛ pee yayami, konɛ haomi nɛ ba a nɔ ɔ, ko ba nyɛ hu nyɛ nɔ!