Luka 21:17 - BAIBLO ALOO NGMAMI KLƆUKLƆU Ɔ

¹⁷ Ye he ɔ, nihi tsuo maa nyɛ nyɛ,

Somi He Ɔ

¹⁷ nɛ nihi tsuo maa nyɛ nyɛ ngɛ ye biɛ ɔ he.

Luka 21:17 ပူးပေါင်းရင်းမြစ်များ

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

Yohane 15:21

Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

Kpojemi 2:3

O toɔ tsui si; o naa amanehlu ngɛ ye he nɛ pɔ tɔɛ mo.

Filipibi 1:29

Blɔ nya nɛ a ha nyɛ kaa Kristo we bi ɔ, nyɛɛ lɛɛ pi kaa nyɛ ma he ye kɛkɛ, se mohu kaa e he ɔ, nyɛ maa na amanehlu hulɔ.

2 Korintobi 4:11

Wa wami be ɔ tsuo ɔ, Yesu he ɔ, nihi ngɛ wɔ dae nɛ a gbe wɔ, bɔ nɛ pee nɛ a na Kristo wami ɔ ngɛ wa he lo nɛ ma gbo nɛ ɔ mi.

Yohane 17:14

I ngɔ o munyu ɔ ha mɛ; nɛ lɔ ɔ he ɔ, je ɔ ngɛ mɛ nyɛe. Ejakaa a kɛ je ɔ bɔɛ, kaa bɔ nɛ imi hu i kɛ mɛ bɔɛ ɔ.

Marko 13:13

Nihi tsuo maa nyɛ nyɛ ngɛ ye biɛ ɔ he; se nɔ nɛ daa haomi ɔ nya kɛ ya siɔ nyagbe ɔ, Mawu ma he e yi wami.

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

1 Petro 4:14

Ke nihi jɛ nyɛ kaa Kristo se nyɛɛli ji nyɛ ɔ, a gbaa nyɛ pɛ. Enɛ ɔ tsɔɔ kaa mumi nɛ hɛ mi ngɛ nyami, nɛ ji mumi nɛ je Mawu ngɔ ɔ kɛ nyɛ ngɛ.

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Yohane 7:7

Je ɔ be nyɛ nyɛe, se a nyɛɔ mi, ejakaa a yeɔ odase kɛ siɔ mɛ ngɛ ní yayamihi nɛ a peeɔ ɔ he.

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Luka 21:16

Nyɛ fɔli, nyɛ nyɛmimɛ, kɛ nyɛ weku li, nyɛ huɛmɛ tete maa ngɔ nyɛ kɛ ha, nɛ a maa gbe nyɛ ti ni komɛ.

Luka 21:18

se nyɛ yi bwɔmi kake ngmelu tete be laae.