Luka 21:12 - BAIBLO ALOO NGMAMI KLƆUKLƆU Ɔ

¹² Se loko ní nɛ ɔmɛ tsuo maa ba a, a maa nuu nyɛ, nɛ a maa wa nyɛ yi mi. A maa ngɔ nyɛ kɛ ha nɛ a kojo nyɛ ngɛ kpe he ɔmɛ, nɛ a maa wo nyɛ tsu. Ye he ɔ, a maa ngɔ nyɛ kɛ ba matsɛmɛ, kɛ ganɔhi a hɛ mi.

Somi He Ɔ

¹² “Se loko enɛ ɔmɛ kulaa maa ba a, a maa nu nyɛ, nɛ a maa wa nyɛ yi mi, nɛ a maa ngɔ nyɛ ngɔ ha ngɛ kpe he ɔmɛ kɛ pamitsɛmɛ a tsuhi a mi, nɛ a ma kpaka nyɛ kɛ maa ya matsɛmɛ kɛ ganɔhi a hɛ mi ngɛ ye biɛ ɔ he?

Luka 21:12 ပူးပေါင်းရင်းမြစ်များ

Mateo 22:6

Ni nɛmɛ nɛ piɛ ɔ, mɛɛ lɛɛ a nuu tsɔli ɔmɛ, nɛ a pee mɛ nisɛ ní, nɛ a gbe mɛ ngɔ si nɔ.

Mateo 24:8

Se enɛ ɔmɛ tsuo ngɛ kaa kɔɔmi sisije kɛkɛ.

Luka 21:11

Zugba ma mimiɛ; hwɔ, kɛ gbenɔ hiɔ maa ba ngɛ he tsuaa he; nɛ gbeye níhi, kɛ nyakpɛ ní nguahi maa ba hiɔwe.

Yohane 15:20

Nyɛ kai kaa i de nyɛ momo ke, ‘Nyɔguɛ pã we e nyɔmtsɛ.’ Nɛ́ a wa mi yi mi ɔ, nyɛɛ lɛɛ kɛ a maa pee nyɛ kɛɛ? Ke a bu mi tue ɔ, nyɛ hu a maa bu nyɛ tue.

Yohane 15:21

Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

Ni Tsumi 22:30

Asafoatsɛngua a suɔ kaa e le nɔ́ tutuutu he je nɛ Yuda bi ɔmɛ po Paulo nya a. Lɔ ɔ he ɔ, e nɔ jena a, e je lɛ, nɛ e fa ke osɔfo nikɔtɔma amɛ, kɛ kpe ngua a mi bi ɔmɛ tsuo nɛ a ba bua a he nya. Kɛkɛ nɛ e ngɔ Paulo ba da a hɛ mi.

Ni Tsumi 5:40

A tsɛ bɔfo ɔmɛ kɛ ba, nɛ a ha nɛ a fia mɛ kpa. A bɔ mɛ kɔkɔ hulɔ ke a ko fiɛ kɛ Yesu biɛ hu; kɛkɛ nɛ a ngmɛɛ a he.

Ni Tsumi 8:3

Se Saulo lɛɛ e ka kaa e ma kpata asafo ɔ hɛ mi. E yaa wehi a mi, nɛ e ya nuɔ nyumuhi kɛ yihi, nɛ e ya woɔ mɛ tsu.

Ni Tsumi 9:4

Saulo tsɔ fia si, nɛ e nu gbi ko nɛ ngɛ lɛ bie ke, “Saulo, Saulo, mɛni he je o ngɛ mi yi mi wae?”

1 Petro 2:13

Nyɔmtsɛ ɔ he ɔ, nyɛɛ ba nyɛ he si ha nɔ yemi tsuaa nɔ yemi ngɛ je nɛ ɔ mi, matsɛ nɛ ngɛ blɔ nya pe nihi tsuo,

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.